+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Коронавирус: Елордада 1500 медицина қызметкерінен кадрлық резерв құрылды

2020 жылғы 25 қыркүйек 01:13
Бөлісіңіз:
Коронавирус: Елордада 1500 медицина қызметкерінен кадрлық резерв құрылды

НҰР-СҰЛТАН. ҚазАқпарат - Бүгін N10 қалалық емханада елорда әкімінің орынбасары Бақтияр Мәкеннің төрағалығымен Нұр-Сұлтан қаласының медицина ұйымдарының басшыларымен кездесуі өтті, деп хабарлайды елорда әкімдігінің ресми сайты.

Ұқсас жаңалықтар
Дәрігер коронавирус инфекциясы кезінде қашықтан кеңес алу туралы айтты Зәуреш Балкенова консультациялық-диагностикалық көмек алу туралы айтты Түркістан облысында медицина қызметкерлері марапатталды

Отырыстың күн тәртібіне коронавирус инфекциясының қайта өршуіне дайындық тұрғысынан медициналық санитарлық алғашқы көмек (МСАК) ұйымдарының мониторингінің нәтижелері қаралды.

«Қоғамдық денсаулық сақтау басқармасы мен тауарлар мен қызметтердің сапасы мен қауіпсіздігін бақылау департаменті қызметкерлерінен құралған мониторинг тобы үстіміздегі жылдың 1 қыркүйегінен бастап денсаулық сақтау мекемелерін аралауды бастады. Бүгінгі күні барлық 35 бастапқы медициналық-санитарлық көмек (БМСК) ұйымдары, оның ішінде 16 мемлекеттік және 19 жеке меншік ұйым тексерілді», - деді қоғамдық денсаулық сақтау басқармасы басшысының орынбасары Әлия Рүстемова.

Өз кезегінде Бақтияр Мәкен мониторинг тобы анықтаған БМСК медициналық ұйымдарының кейбір проблемаларына тоқталды.

«Мониторинг нәтижелері орасан зор жұмыс жүргізу қажет екенін көрсетеді. Медициналық қызметті уақтылы және сапалы көрсету үшін біздің алдымызға қойылған міндеттерді орындау маңызды», - деп атап өтті спикер.

Бақтияр Мәкен ескертулер негізінен жеке медициналық ұйымдарға қатысты екенін атап өтті.

Нұр-Сұлтан қалалық қоғамдық денсаулық сақтау басқармасының басшысы Тимур Муратов COVID-19 күдікті науқастарға медициналық көмек көрсету үшін 4 деңгейлі алгоритм құрылғанын айтты. Ол пациенттерді күтім деңгейлері мен ауырлық дәрежелері бойынша бөлуге арналған. Сонымен қатар күзгі-қысқы кезеңдегі COVID-19 коронавирус инфекциясының алдын алу және емдеу бойынша іс-шаралар жоспары жасалды.

«Нұр-Сұлтан қаласының әкімдігі мен қоғамдық денсаулық сақтау басқармасы коронавирустық инфекцияның таралуының алдын алу бойынша шаралар қабылдауда. Сонымен, біз жеке медициналық мекемелердің, республикалық емханалардың медицина қызметкерлері, медицина университінің студенттері, оқытушылар құрамынан кадрлық резерв құрдық. Бүгінде резервте 1 500 маман бар. КВИ-мен ауыратын науқастарды емдеу бойынша саланың кадрлық әлеуетін арттыруға ерекше көңіл бөлінеді. КВИ-мен ауыратын науқастарға көмек көрсетуді ұйымдастыру бойынша медициналық ұйымдарды бақылау жөніндегі комиссия жұмыс істейді. Жедел желі құрылып, КВИ сұрақтары бойынша 24/7 көмек көрсетеді. Халыққа КВИ инфекциясының алдын-алу бойынша ақпараттық-түсіндіру жұмыстары, сондай-ақ медициналық ұйымдарды дәрі-дәрмектермен қамтамасыз ету тұрақты негізде жүргізілуде», - деді басқарма басшысы.

Тимур Муратовтың айтуынша, елорда ауруханалары жасанды тыныс алу аппараттарымен 98% қамтамасыз етілген. Осылайша, ауруханалардың қызметтері үшін Денсаулық сақтау министрлігі ұсынған шекті индикатор 370 құрылғы болса, бүгінде 434 құрылғы бар. Сонымен қатар оттегі терапиясымен қамтамасыз ету 45,6%-ды құрайды, мақсатты индикатор - 35%. Сондай-ақ 19 КТ - республикалық клиникалардың, жеке медициналық ұйымдардың және басқа ұйымдардың; 27 рентген аппараты, 583 оттегі концентраторы және шамамен 1584 оттегі нүктесі бар.

«Біз тұрғындар арасындағы аурудың тарауын қалай сейілте аламыз? Бірінші кезекте амбулаториялық деңгейде сапалы медициналық көмек көрсетуден бастау керек. Қазіргі уақытта жауапкершіліктің көп бөлігі БМСК ұйымдарына жүктелген. Коронавирустың мүмкін екінші толқынына қарсы тұру үшін мықты дайындық керек. Ел Президенті атап өткендей, мемлекет үшін басты міндет - азаматтар мен медицина қызметкерлерінің өмірі мен денсаулығын сақтау», - деп түйіндеді Бақтияр Мәкен.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT