Коронавирус: Британиялық штамм әлдеқайда қауіпті болуы мүмкін

ЛОНДОН. ҚазАқпарат - Коронавирустың британиялық штамы әлдеқайда қауіпті болуы мүмкін. Бұл туралы Британия Премьер-Министрі Борис Джонсон жұма күні болған брифингте айтты, деп хабарлайды ҚазАқпарат BBC агенттігіне сілтеме жасап.

Ұқсас жаңалықтар

Ақмола облысы неліктен «қызыл» аймаққа өтті - департамент түсінік берді

Алматыда коронавирус жұқтырғандар саны азайды Алматыда 20 мыңға жуық адам Pfizer вакцинасын алды СҚО-да коронавирус жұқтырған 37 адам жансақтау бөлімшесінде жатыр

Британия Премьерінің сөзінше, осы елде жыл басында пайда болған коронавирус түрі жылдам тарайды және ол өте қауіпті болуы мүмкін.

«Бүгін бізге Лондон мен Британияның оңтүстік шығысында пайда болған вирустың тез тараумен қатар оның салдарынан адамдардың да жиі қайтыс болуы мүмкін екендігі хабарланды»,-деді Джонсон.

Ол осыған дейін дайындалған вакциналардың коронавирустың екі түрі үшін де тиімді екенін айтты.

Әзірге Англияда вирустың тарау қарқыны біршама тыйылды. Ал, Солтүстік Ирландияда керісінше, вирустың жаңа штамына байланысты ауру өршіп кеткен.

Шотландия мен Уэльсте коронавирустың жаңа штамын жұқтырғандар көбейіп келеді. Англияда вирус жұқтырғандардың көпшілігін коронавирустың кәдімгі түрімен науқастанғандар құрап отыр.

Жаңа штамм көп тарап жатқан Солтүстік Ирландияда керісінше COVID-19-дан қайтыс болып жатқандар жиі кездеседі.