Коронавирус: Алматыда вирусты жаңадан жұқтырғандардың қайдан келгені анықталды

АЛМАТЫ. ҚазАқпарат – Қазірі кезде Алматы қаласында коронавирус жұқтырудың 48 расталған жағдайы анықталып, 1 адам жазылып шықты. Бұл туралы Қоғамдық денсаулық басқармасының басшысы Тілеухан Әбілдаев онлайн-брифинг барысында айтты, деп хабарлайды ҚазАқпарат тілшісі.

Ұқсас жаңалықтар

Карантин: Командалық оқу-жаттығу жиындарын қайта бастауға рұқсат берілмек

Ақмола облысында мектеп асханаларының жұмысына рұқсат берілді Коронавирус: Атырау облысы қайта «сары» аймаққа өтті Әлемде коронавирус жұқтырғандар саны 113,3 миллионнан асты

«Жаңадан анықталған бес адамның ішінен төртеуі 26 наурызда Минск-Алматы рейсімен ұшып келді, біреуі 26 наурызда Мәскеу-Алматы рейсімен ұшып келді. Ауырғандардың бірі 15 наурызда Ыстанбұл – Алматы рейсімен ұшып келді, 18 наурызда жақын байланыс жасаушы ретінде оқшауланған, бастапқы талдау қорытындылары теріс нәтиже берген. 2020 жылғы 26 наурызда талдауды қайта тапсырған кезде оң нәтиже шықты, осы уақыт бойы ол оқшаулауда болды. Жалпы, 45 науқас жай-күйі – қанағаттанарлық, ӨЖЖ аппаратындағы әйелдің жағдайы ауыр және 1 балада ауырлығы орташа дәрежеде жақсаруда»,- дейді Тілеухан Әбілдаев.

Қазіргі уақытта провизорлық орталықтарда 1099 адам бар, оның ішінде 72-і – бала. Карантиндік орталықтарда 471 адам бар. Үй карантинінде 2037 адам.

«Карантиндегі барлық адамның дене температурасы қалыпты жағдайда, катаралдық симптомдары жоқ. Елге қайсыбір елден ұшып келсе де, талдаулар тапсыру үшін екікүндік карантинге орналастырылатындығын естеріңізге сала кетейік. Мұндай шаралар халық арасында коронавирустық инфекцияның таралуын болдырмау үшін қабылданды. Олардан COVID-19-ға талдаулар алынатын болады, егер инфекция расталмаса, олар үйлеріне шығарылады»,- деп қортындылады ол.

Еске салайық, кеше бір әйел емделіп үйіне шығарылған болатын. Ол енді емхана қызметкерлерінің 14 күндік бақылауымен үйінде болады.