Коронавирус: Алматыда вакцинаны қай жерде салдыруға болады
Бүгін таңертеңгі ақпарат бойынша, қалада 715 адам коронавирус жұқтырғаны анықталды. Мұның ішінде 630-і симптомды, жеңіл және орташа деңгейдегі белгілермен, 85-і симптомсыз ауырған.
Қазір 6 100 төсек-орны іске қосылған. 3530 науқас ем қабылдап жатыр. 2 570 төсек-орын бос.
1-9 cәуір аралығындағы кезеңде 57 810 адам вакциналанды. Олардың 13 857-сі вакцинаның екі компонентін алды. Өткен тәулікте 8 650 алматылыққа екпе егілді.
Вакциналанғандардың ішінде: 11 009 медицина қызметкері, 8 876 педагог, құқық қорғау құрылымдарының 6199 қызметкері, созылмалы аурулары бар және Алматы тұрғындарының өзге де санаттарынан 6 470 адам бар.
«Егу пунктерінде ҚР ДСМ белгілеген нысаналы (мақсатты) топтарды, қарт азаматтар мен созылмалы аурулары бар адамдарды вакциналау жалғасуда»,- деп атап өтті басқармадағылар.
Алматы қаласы бойынша вакцинация барлық емханаларда, сонымен қатар, базарлар, қоғамдық орындар мен сауда орталықтарында жүргізілуде.
Жетісу ауданы: «Адем» сауда үйі 1-қабат, «Алтын Тараз» сауда үйі және «Кемел» мәдениет үйі.
Алатау ауданы: «Ақбұлақ», «Кенжехан», «Өжет» базарлары мен «БақОрда» СОСО.
Түрксіб ауданы: «Түрксіб» және «Жетісу» базарларындағы егу пунктері, Оқушылар үйі -6, Оқушылар сарайы-7, «ТЖА» АҚ.
Алмалы ауданы: «Мега парк»
Әуезов ауданы: «Азия парк», «Гранд парк», «Алматы Молл», «Спутник», «Москва».