+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Коронавирус: Алматы ауруханалары бір тәулікте қанша науқас қабылдай алады

2020 жылғы 14 тамыз 14:18
Бөлісіңіз:
Коронавирус: Алматы ауруханалары бір тәулікте қанша науқас қабылдай алады

АЛМАТЫ. ҚазАқпарат – Алматы қалалық Қоғамдық денсаулық сақтау басқармасының басшысы Камалжан Надыров коронавирус инфекциясы өршіген жағдайда ауруханалар бір тәулікте қанша науқасты қабылдай алатынын айтты, деп хабарлайды ҚазАқпарат тілшісі.

Ұқсас жаңалықтар
Коронавирусты жұқтыру қаупін қалай азайтуға болады

Оның айтуынша, стационарлық 6 мың төсек-орнына тәулігіне 350 адамнан артық жатқызу – денсаулық сақтау жүйесінің коллапсына алып келуі мүмкін.

«Біз математикалық есеп жүргіздік. Стационарлық орталықтардың жүктемесіне бірнеше фактор ықпал етеді. Оған – жұқтырулар саны, түскен науқас саны, науқастардың ауырлық дәрежесі, олардың төсек-орында жату уақыты жатады. Сәуір-мамыр айларында тәулігіне орта есеппен 100 пациент түссе, індеттің шарықтау шегінде 300-500 адамға дейін жатқызылды. Бұл көрсеткіш медициналық мекемелерімізге үлкен ауырлық тудыратыны анықталды. Сондықтан, пациенттер ағынын реттеудің қажеттілігін түсіндік. Тәулігіне 500 адам – Алматы денсаулық сақтау жүйесі үшін критикалық нүкте екені анықталды. Бұл көрсеткіштен асқан жағдайда, уақытында шараларды қолға алмаған жағдайда қалада медициналық коллапс басталуы ықтимал. Себебі, орын саны шектеулі», - деді Камалжан Надыров.

Басқарма басшысы осы бағытта төсек-орын қорын тиімді пайдалану қолға алынатынын айтты.

«Медицинада орын қорының айналымы деген болады. Стационарларда бір айда бір орында 3 пациент жатып шығуы тиіс. Бұл төсек-орындарды тиімді пайдаландық деген сөз. Сондықтан, критикалық нүктені асып кету – біздің денсаулық сақтау жүйесі үшін өте тиімсіз. Біз тәулігіне 350 пациент деген шекті көрсеткішті ұстап тұруымыз керек», - деді ол.

Айта кету керек, пандемияның шарықтау шегі болған шілде айында Алматы медициналық мекемелерінде орын тапшылығы туындады.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT