Коронавирус әлемнің 152 елінде тіркелген

НҰР-СҰЛТАН. ҚазАқпарат - Әлемнің 152 елінде 156 494 адамға коронавирус жұққаны анықталды. Бұл жайында ҚР Денсаулық сақтау министрлігі мәлім етті, деп хабарлайды ҚазАқпарат тілшісі.

Ұқсас жаңалықтар

Профессор коронавирустан қорғайтын басты үш факторды атады

Атыраудың Жылыой ауданына 47 мұғалім мен 9 дәрігер келді Коронавирус: Қазақстанның 3 қаласында бастауыш мектеп оқушылары толықтай қашықтан оқытылады Таразда алғаш рет жасалған торакотомиялық күрделі ота сәтті

Коронавирустың ошағы саналған Қытайда вирустың таралуы айтарлықтай бәсеңдеді. Бүгін бұл елде бір тәулікте 20 оқиға тіркелген. Жалпы, Қытайда 80 884 адам коронавирус жұқтырып, оның 3 199-ы қайтыс болды. Стационарларда 10 734 науқас ем алып жатса, 66 911 адамның жазылғаны белгілі. Ал әлемнің басқа елдерінде 75 650 (круиз лайнерін қоса алғанда) адам вирус жұқтырып, оның 2 623-і қаза болды.

1 «А» санатына жатқызылған Италияда бір тәулікте вирус жұқтырған 3 497 адам анықталды. Вирус жұқтырғандығы нақтылаған науқастар саны - 21 157 адам, қаза тапқандар - 1 441. 1 «Б» санатындағы Испанияда 6 391 адам вирус жұқтырып, 195 адам қайтыс болды. Бір тәулік ішінде коронавирус жұқтырғаны расталған адамдар саны - 1 159.

1 «А» санатына кіретін Иранда 12 729 адамға (бір тәулікте 1 365 адамға вирус жұққаны анықталды) вирус жұғып, 611 адам мерт болды. Оңтүстік Кореяда 8 086 адамның (бір тәулікте 107) коронавирус жұқтырғаны анықталды. Қаза болғандар - 72 адам.

Ал 1 «Б» санатына кіретін Францияда осы уақытқа дейін 4 469 адамның вирус жұқтырғаны белгілі. Осы тәулікте бұл елде 808 адамға вирус жұққаны расталды. Қайтыс болғандар - 91 адам. Германияда тәулік ішінде 924 адамнан коронавирус табылып, 9 адам қаза тапты. Жалпы, 4 599 адамнан коронавирус табылған.