+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Коронавирус: Ақмола облысында қосымша 5 мыңға дейін төсек-орын дайындалады

2020 жылғы 8 шілде 13:06
Бөлісіңіз:
Коронавирус: Ақмола облысында қосымша 5 мыңға дейін төсек-орын дайындалады

КӨКШЕТАУ. ҚазАқпарат - Ақмола облысында стационарлық 5 мыңға дейін төсек-орын әзірленеді. Бұл туралы өңірде өткен брифинг барысында облыс әкімі Ермек Маржықбаев айтты, деп хабарлайды ҚазАқпарат тілшісі.

«Бізде ауруханаға жатқызу медициналық көрсеткіштер бойынша, қолданыстағы емдеу хаттамасына сай жүргізіледі. Егер симптомсыз науқас болса немесе онда аурудың жеңіл не орташа түрі болса үйінде қалады. Бүгінде аурудың жеңіл түрімен ауырғандардың ішінен үйде амбулаторлық ем алуға мүмкіндік болғанымен, ауруханаға жатқызылғандар санының көптігінен дүрбелең туындап отыр. Қазіргі уақытта олар біреулердің орнын алуы да мүмкін. Төсек-орынға қатысты динамика болады, 1 тамызға дейін 5 мыңға дейін орын құрамыз», - деді ол.

Оның атап өтуінше, өңірге өкпені жасанды желдету аппараты мен компьютерлік томография қосымша сатып алынады. Қазіргі уақытта келісімшарт жасалған.

«Бүгінде бізге өкпені жасанды желдететін тағы 71 аппарат сатып алу қажет. Біз портативті 17 аппарат сатып алуға келісімшарт жасадық. Компьютерлік томография қазіргі уақытта 6 медициналық ұйымда жұмыс істеп тұр. Бұл аппарат науқастың жай-күйін анықтау үшін өте қажет. Сондықтан мұндай тағы бір аппарат сатып алу үшін жұмыс істеп жатырмыз. Бүгінде қатаң карантин шаралары өмірлік қажеттілікке айналып отыр. Шектеулерге қарамастан облыста қоғамдық моншалар, ірі дүкендер жұмыс істеуін жалғастырып, адамдар отбасылық той-томалақтар - үйлену тойы, еске алу шараларын өткізіп жатыр», - деді Ермек Маржықбаев.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT