Коронавирус: 131 адам ауруханадан шығарылды

НҰР-СҰЛТАН. ҚазАқпарат - Уханьнан эвакуацияланған Қазақстанның 83 азаматының 12-сі ЖРВИ-ге байланысты ем қабылдап жатыр. Бұл туралы ҚР Денсаулық сақтау министрлігінің ресми өкілі Диас Ахметшәріп айтты, деп хабарлайды ҚазАқпарат тілшісі.

Ұқсас жаңалықтар

Нұр-Сұлтан қаласы әлі «қызыл» аймақта тұр

Коронавирустен емделіп жатқан 442 адамның жағдайы ауыр 1435 адам коронавирус инфекциясынан жазылып шықты Қазақстанда өткен тәулікте 1174 адамнан коронавирус анықталды

«Медициналық ұйымдар Қытайдан 6 қаңтардан кейін тұрғылықты жеріне келген азаматтардың денсаулығын бақылауды жалғастыруда. Барлығы 24 154 адамға бақылау жасалды. 15 878-і мониторингтен шығарылды. Соңғы 14 күнде 8 276 адам қаралып, 1 609 адам медициналық тіркеуге алынды. Жалпы, 13 ақпанда 151 адам дене қызуы көтеріліп, ЖРВИ белгілерімен ауруханаға түсті. 131 адам ауруханадан шығарылды. 20 адам ауруханада. Науқастардың жағдайы жақсы»,- деді министрліктің ресми өкілі.

Оның атап өтуінше, эвакуацияланған Қазақстан Республикасының 83 азаматының 12-сі ЖРВИ-ге байланысты ем қабылдап жатыр. Сондай-ақ Уханьнан эвакуацияланған Беларусьтың 5, Арменияның 1 азаматының жағдайы жақсы.

«Уханьнан эвакуацияланған Қазақстан Республикасының Ресейдің Түмен қаласындағы - 3, Өзбекстанның Ташкент қаласындағы 5 азаматының денсаулықтары жақсы. Олардың шағымдары жоқ», - деді Диас Ахметшәріп.