15:00, 29 Қазан 2022 | GMT +6
Қорғаныс министрлігіндегі өрт неден шығуы мүмкін – ведомство болжамы
АСТАНА. ҚазАқпарат - ҚР Қорғаныс министрлігі Telegram каналы арқылы ведомство ғимаратында өрттің неден шығуы мүмкін екенін айтты, деп хабарлайды ҚазАқпарат.
«2022 жылғы 29 қазан күні сағат 13.25-те Қорғаныс министрлігі ғимаратындағы кабинеттердің бірінде офистік жиһаздан өрт шықты. Алдын ала болжам бойынша оттың шығуына электр сымдарының қысқа тұйықталуы себеп болып отыр»,-делінген министрліктің хабарламасында.
Өрт толық сөндірілді, зардап шеккендер жоқ. Тексеріс жүргізілу үстінде.
Осыған дейін ҚР Қорғаныс министрлігі ғимаратынан өрт шығып, 10 шаршы метр аумақта жиһаз жанып кеткенін хабарлаған едік.