+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Қорғаныс министрлігінде қаза болған әскери қызметшілерге мемориал ашылды

2019 жылғы 13 желтоқсан 22:21
Бөлісіңіз:
Қорғаныс министрлігінде қаза болған әскери қызметшілерге мемориал ашылды

НҰР-СҰЛТАН. ҚазАқпарат - Қорғаныс министрлігінде Тәуелсіздік жылдары әскери міндетін атқару кезінде қаза болған әскери қызметшілерге арналған мемориал ашылды, деп хабарлайды ҚазАқпарат министрліктің баспасөз қызметіне сілтеме жасап.

Салтанатты рәсімге Қорғаныс министрлігінің басшылығы, ҚР Парламент депутаттары, әскери қызметшілер мен ардагерлер, «Жас ұлан» әскери мектебінің тәрбиеленушілері, сондай-ақ қаза болғандардың туған-туыстары қатысты.

«Отанын қорғау – әрбір азаматтың парызы. Менің ұлым – ұшқыш, әскери міндеттерін орындау кезінде қаза болды. Біз осындай мемориалдың ашылғанына қуаныштымыз және ризамыз», – деді аға лейтенант Жанбота Қасымовтың әкесі.

Іс-шараға қатысушылар ескерткішке гүл шоқтарын қойып, ерлікпен қаза тапқандарды бір минут үнсіздікпен еске алды.

«Мәңгі есімізде» мемориалы Қорғаныс министрлігінің ғимаратында әскери міндеттің үлгілі орындалуының және Отанға шексіз қызмет етудің үлгісі ретінде әскери қызметшілердің алдында орнатылған. Қаза болғандардың әрқайсысы қазіргі әскери қызметшілер мен болашақ ұрпақтың жадында мәңгі қалады. Өйткені, бұл жауынгерлер, майдангерлер мен батырлардың даңқты дәстүрін жалғастырушылар.

Ол қаза болғандар туралы деректер базасы жинақталған қабырға мен ақпараттық блок болып табылады. Экранда әрбір қайтыс болған адам туралы ақпарат көрсетіледі. Атап айтқанда фотосурет, туған жері мен туған күні, қызмет еткен орны, қашан және қандай жағдайда қаза болғаны көрсетілген. Мемориалға дайындық жүргізіп және жұмыс істеу барысында жиналған барлық мәліметтер мен материалдар ҚР ҚК Әскери-тарихи мұражайына берілетін болады.

Дерекқор тек Қазақстанда ғана емес, сонымен қатар шетелде оқу-жауынгерлік міндеттерді орындау кезінде және Ирактағы бітімгершілік миссияға қатысқанда қаза тапқан 70 қазақстандық әскери қызметші туралы мәліметтерден тұрады. Оның ішінде ҚР ҚК 17 әскери қызметші Тәжік - Ауған учаскесінде ТМД-ның сыртқы шекарасын күзетуді күшейту кезінде қаза тапқан.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT