+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қорғаныс министрлігі мәжбүрлі қонған әскери ұшаққа қатысты түсінік берді

2020 жылғы 5 мамыр 14:08
Бөлісіңіз:
Қорғаныс министрлігі мәжбүрлі қонған әскери ұшаққа қатысты түсінік берді

НҰР-СҰЛТАН. ҚазАқпарат – ҚР Қарулы Күштері Әуе қорғанысы күштері Бас қолбасшысының бірінші орынбасары Тұралы Қойшығұлов кеше Алматы облысының аэродромына мәжбүрлі қонған С-295 әскери ұшағына қатысты түсінік берді, деп хабарлайды ҚазАқпарат тілшісі.

«4 мамырда жоспарлы тапсырма кезінде Airbus Military компаниясы шығарған С-295 әскери көліктік әуе кемесінің алдыңғы қондыру шоссиі істен шықты. Ұшақ командирі, бірінші дәрежелі ұшқыш Жеңіс Зайнолдиновтің жалпы ұшу тәжірибесі 1700 сағаттан асады. Командирдің көмекшісі, капитан Абылай Ыбыраев пен ұшақтың борт-инженері Кәрім Пахритдинов ақауды жою үшін қажетті барлық шараларды қабылдады. Сағат 20.40-та ұшақ әскери аэродромға аман-есен қонды», - деді ол.

Осы ретте, ҚР ҚК ӘҚК Бас қолбасшының орынбасары экипаж төтенше жағдай кезінде батылдық танытып, жоғары кәсіби шеберлікпен ұшақты алдыңғы қону шоссиінсіз қондырғанын әрі сауатты әрекет еткенін баса айтты.

«Әуе кемесінің қонуын қамтамасыз ететін жердегі қызметтердің де кәсіби әрекетін атап өткен жөн. Авиациялық оқиғаны тергеу үшін арнайы комиссия ұшақ қонған өңірге аттанып кетті. БАҚ өкілдері мен блогерлерден тексерілмеген ақпаратты таратпауды өтінеміз. Тергеуден кейін қосымша ақпарат берілетін болады», - деді Т.Қойшығұлов.

Бұған дейін Нұр-Сұлтан-Ақтөбе бағытындағы әскери ұшақтың алдыңғы шассиі ашылмай, Жетіген аэродромына аман-есен қонғанын хабарлағанбыз.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT