+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Қорғаныс министрінің орынбасары Бақыт Құрманбаев дүниеден озды

2020 жылғы 14 шілде 22:29
Бөлісіңіз:
Қорғаныс министрінің орынбасары Бақыт Құрманбаев дүниеден озды

НҰР-СҰЛТАН. ҚазАқпарат - Бүгін Қазақстан Республикасы Қорғаныс министрінің орынбасары, генерал-майор Бақыт Жанұзақұлы Құрманбаев мезгілсіз дүние салды, деп хабарлайды ҚазАқпарат.

Ұқсас жаңалықтар
Армян-әзербайжан қақтығысының ушығуына байланысты ҚР СІМ мәлімдемесі Биыл Атырауда 5 жұмысшы мерт болып, 7-еуі ауыр жарақат алған Әзербайжан мен Армения Таулы Қарабақтағы жағдайдың ушығуы туралы мәлімдеді

Қорғаныс министрлігі ресми сайтының хабарлауынша, Бақыт Жанұзақұлының артында жан жары мен екі баласы қалды.

Бақыт Құрманбаев 1993 жылы әл-Фараби атындағы Қазақ мемлекеттік университетін тәмамдаған. 2005 жылы Ресей Федерациясы Құрлық әскерлері әскери әуе шабуылына қарсы қорғаныс әскери академиясында білім алып, ал 2008 жылы Ресей Федерациясы Қарулы Күштері Бас штабы Әскери академиясының Жоғары академиялық курсын бітірген.

Бақыт Жанұзақұлы Қазақстан Республикасы Қарулы Күштерінде атқарған қызметінде жоғары кәсібилігімен және ауқымды тәжірибесімен ерекшеленді. Әскери салада қондырғыларды қосу взводының, зениттік-зымыран батареясының командирінен бастап әр жылдары Қорғаныс министрлігінде басшылық лауазымдарды, сонымен қатар Қазақстан Республикасы Қауіпсіздік Кеңесі әскери қауіпсіздік және қорғаныс бөлімінің меңгерушісі лауазымын атқарды.

2017 жылғы 6 мамырда Президент Жарлығымен оған «генерал-майор» әскери атағы берілген еді.

2019 жылғы сәуір айында генерал-майор Құрманбаев Қазақстан Республикасы Қорғаныс министрінің орынбасары болып тағайындалды. Материалдық-техникалық қамтамасыз ету, қорғаныс өнеркәсіп кешенімен өзара іс-қимыл жасау, қару-жарақ және әскери техника, сондай-ақ тылдық және медициналық қамтамасыз ету мәселелеріне жетекшілік етті.

Арыс қаласындағы төтенше жағдай салдарын жоюда айтарлықтай үлес қосып, пандемиямен күрес кезеңінің алғашқы күндерінен бастап инфекцияның таралуына қарсы іс-шараларды ұйымдастыру мен қамтамасыз етуге белсенді атсалысты.

Қызмет атқарған кезеңдерде II-ші дәрежелі «Айбын» және II-ші дәрежелі «Данқ» ордендерімен марапатталған.

Қазақстан Республикасы Қорғаныс министрлігінің басшылық құрамы мен әскери қызметшілері генерал-майор Бақыт Жанұзақұлы Құрманбаевтың мезгілсіз қайтыс болуына байланысты туыстары мен жақындарына қайғырып көңіл айтады.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT