Кореяда  жүк көлігі мен автобус соқтығысып, 1 адам қаза тапты, 10-ы жарақаттанды
2022 жылғы 1 сәуір 04:45

Кореяда  жүк көлігі мен автобус соқтығысып, 1 адам қаза тапты, 10-ы жарақаттанды

ПАНДЖУ. YONHAP-ҚазАқпарат - Бейсенбі күні Сеулден солтүстікке қарай 30 шақырым жерде орналасқан Паджу қаласында драма түсіру тобы мінген автобус самосвалға соғылып, бір адам қаза тапты, 10 адам жарақат алды, олардың үшеуінің жағдайы ауыр, деп хабарлайды ҚазАқпарат YONHAP агенттігіне сілтеме жасап.

Полицияның мәліметінше, жол-көлік оқиғасы төрт жолақты Джаю күре жолында Паджумен аралықта таңғы сағат 7:50-де болды. Жүк көлігі жол бойындағы жанармай құю бекетінен шыққан соң бірден үшінші жолаққа шығып кетіп, автобусты соққан.

Оқиға салдарынан автобустың 30 жастағы бір жолаушысы қаза тапты, тағы 10 адам жарақатпен ауруханаға жеткізілді, олардың үшеуі ауыр халде, автобус жүргізушісі зардап шекпеген.

Автобус осы жылдың екінші жартысында эфирге шығатын tvN тарихи драмасының экипажын тасымалдаған, ал продюсер апаттың құрбаны болды.

Оқыс оқиға сол аумақта көлік кептелісін тудырды, өйткені жүк көлігінен төгілген мұнайды тазарту үшін екі жолақ шамамен үш сағатқа жабылды. Полиция апаттың нақты себебін анықтап жатқанын мәлімдеді.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT