Корей мәдениетінің фестивалі өтеді
2021 жылғы 13 қазан 14:02

Корей мәдениетінің фестивалі өтеді

НҰР-СҰЛТАН. ҚазАқпарат – 15-16 қазан күндері Алматы қаласының Республика сарайында корей мәдениетінің фестивалі өтеді, деп хабарлайды ҚазАқпарат тілшісі.

Бұл туралы Корея Республикасы Елшілігі Корей мәдени орталығының баспасөз қызметі ақпарат таратты.

Шара Қазақстан Республикасы Тәуелсіздігінің 30 жылдығына арналмақ.

«Шара қазақстандықтардың Кореяға деген қызығушылығының артуына ықпал етеді. Фестивальде корей халқының дәстүрі мен мәдениетіне қызығатын алматылықтарға және қала қонақтарына түрлі концерттік бағдарламалар ұсынылады», - дейді Корей мәдени орталығының директоры Ли Херан.

Оның айтуынша, дәл осындай шара өткен аптада Нұр-Сұлтан қаласында да ұйымдастырылған.

«Алматы қаласындағы корей мәдениетінің фестивалі 15 және 16 қазан күндері Республика сарайында өтеді. 15 қазанда сағат 19.00-де корей музыкалық комедия театры корей дәстүрлі өнерінің концертін өткізсе, 16 қазанда «ICU» және «N. CUS» сияқты K-POP топтары концерт қояды», - дейді орталық директоры.


Jańalyqtar

MURAǴAT