Қордайдағы Үлкен Сұлутөр ауылында нөсер жаңбыр салдарынан сел жүрді
2022 жылғы 24 маусым 03:30

Қордайдағы Үлкен Сұлутөр ауылында нөсер жаңбыр салдарынан сел жүрді

ТАРАЗ. ҚазАқпарат - Жамбыл облысы аумағындағы қатты селден ауылға баратын негізгі жолда көлік қозғалысы тоқтатылды, деп хабарлайды ҚазАқпарат.

Ауыл арасындағы селдің бейнежазбалары әлеуметтік желіде тарап жатыр.

«Төтенше оқиғадан 2 шаруашылық ғимарат зақымданды. 3 үйдің ішіне су кірді. Үйлердің біріне кіретін газ құбыры бүлінді. Зардап шеккендер жоқ», - деп хабарлады Жамбыл облыстық төтенше жағдайлар департаменті.

Алдын ала мәліметтерге сүйенсек, мал арасында шығын бар: қойлар мен тауықтар өлген.

Өңірдегі ТЖД мәліметіне қарағанда, Қордай ауданы әкімінің орынбасары мен төтенше жағдайлар бөлімінің басшысы қазір зардап шеккен ауылда.

Құтқарушылар жұмыс істеп жатыр.







Серіктестер жаңалықтары

Jańalyqtar

Үрдіс

MURAǴAT