+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Көпбалалы отбасылар тарапынан бизнес курстарға сұраныс артты – Ләззат Қожахметова

2020 жылғы 22 қазан 14:39
Бөлісіңіз:
Көпбалалы отбасылар тарапынан бизнес курстарға сұраныс артты – Ләззат Қожахметова

НҰР-СҰЛТАН. ҚазАқпарат – Көпбалалы отбасылар тарапынан бизнес курстарға деген сұраныс артты. Ұлттық қоғамдық сенім кеңесінің төртінші отырысында кеңес мүшесі Ләззат Қожахметова мәлім етті, деп хабарлайды ҚазАқпарат тілшісі.

«Барлық аймақтарда мемлекеттік тапсырыспен көпбалалы аналарды қолдайтын «Бақытты отбасы» және «Жанұя» деген орталықтар ашылды. Бұл орталықтар тек консультация беру деңгейінде қалып отыр. Қазір консультацияны әкімдер де, басқарма басшылары да, министрлерде де тікелей эфирге шығып, өздері беріп отыр. Яғни, бұл орталықтардың жұмысын келешекте қайтадан қарастыруды сұраймыз», - деді Л. Қожахметова.

Оның сөзіне қарағанда, көпбалалы отбасыларға кәсіпкерлік негіздерін үйрететін «Атамекен» палатасында «Бастау Бизнес» курстары бар. Биыл бұл курстарға өте көп сұраныс болды. Бірақ тамыз айында бұл курстарға қабылдау тоқтап қалды. Осы орайда аталған курстарға байланысты орын санын көбейту ұсынысы жасалды.

«Оқыған адамда кәсіпкер болуға, масылдықтан арылуға, атаулы әлеуметтік көмек пен жәрдемақылардан бас тартуға деген құлшыныс әрі ынталану пайда болады. Бұл курстарды оқытқан кезде «Атамекен» палатасының бизнестегі қазақша тілі өте ауыр. Сондықтан осы жағына және тестілерге назар аударса дейміз», - деді ол.

Л. Қожахметованың пайымынша, көпбалалы отбасыларға берілетін қайтарымсыз гранттардың көбейту керек.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT