+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Көп жайт тәртіпке бағынуымызға байланысты - Павел Казанцев карантин жайында

2020 жылғы 14 тамыз 10:03
Бөлісіңіз:
Көп жайт тәртіпке бағынуымызға байланысты - Павел Казанцев карантин жайында

НҰР-СҰЛТАН. ҚазАқпарат - Коронавирус індетінің екінші толқынынан қалай өтетіндігіміз өзіміздің іс-әрекетімізге байланысты. Мұндай пікірді ҚР Парламенті Мәжілісінің депутаты Павел Казанцев білдірді, деп хабарлайды ҚазАқпарат тілшісі.

Ұқсас жаңалықтар
1 қазаннан бастап Өзбекстан шекараны ашатын болды Түркістан облысында шаруаларға карантинде қолдау көрсету үшін 80 млрд теңге бөлінбек Алматыда карантинге қарамастан мейрамханаларда той өткен

«Карантиннің жеңілдетілумен қатар белгілі бір қауіптердің күрделене түсуі қатар жүреді. Коронавирусқа қатысты бұл қауіптер мемлекеттік құрылымға не болмаса ауруханалардағы төсек-орынға емес, адамның менталитетіне, адамдардың байыппен немесе жүрдім-бардым қарауына, елімізде туындаған ортақ проблемаға адами біріге білуіне байланысты. Дәл осы деңгейде, коронавирусқа қатысты қазіргі жағдайда бұл үлкен қауіп туындайды»,- деді ол.

Осы ретте Мәжіліс депутаты қауіпті дертті жұқтырып алмау адамның өзіне және тәртібіне байланысты екендігін айтқан Елбасының үндеуіне толық қосылатындығын білдірді.

«Елбасы бізге адамдар тәртіпке, өзін-өзі оқшаулауға, байланыстарды қысқартуға жауапкершілікпен қараған елдерде адамдар наразылық танытатын, маска тағуға мәжбүрлейтін елдерге қарағанда процестің жеңіл өтетіндігін көрсетіп берді. Елбасы үндеуі дер уақытында жасалып отыр әрі өте маңызды. Түптеп келгенде әрбір адам бұл сөздерді жете түсінуі қажет. Індет жұқтырып, өзгелерге таратпау үшін өзіңе, өзіңді қоршаған ортаға жауапкершілікпен қараған жөн», - деді Мәжіліс депутаты.

Павел Казанцевтің айтуынша, адамдардың барлығы коронавирус індетінің екінші толқыны орын алатындығын түсініп отыр. Ал оның ауыр әлде жеңіл өтетіндігі бұл проблемаға адамдардың байыппен қарауына байланысты.

«Коронавирус індетінің екінші толқынынан қалай өтетіндігіміз өзімізге және тәртібімізге, іс-әрекеттерімізге байланысты», - деді ол.

Айта кетейік, кеше ҚР Денсаулық сақтау министрлігі 17 тамыздан кейін карантин қалай жеңілдейтінін түсіндірген еді.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT