+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Конституция күні: елордалықтар мерекені қайда өткізе алады

2019 жылғы 28 тамыз 17:03
Бөлісіңіз:
Конституция күні: елордалықтар мерекені қайда өткізе алады

НҰР-СҰЛТАН. ҚазАқпарат - Тамыз айының соңы мемлекеттік мереке – Конституция күнімен белгілі. Алда үш күн демалыс. Осыған орай, еліміздің бас қаласы өз тұрғындары мен қонақтарына қызыққа толы мерекелік бағдарлама әзірледі, деп хабарлайды елорда әкімдігінің ресми сайты.

Ұқсас жаңалықтар
СҚО-да 18 ақын үздік атану үшін айтысуда Нұр-Сұлтанда «Елорда жастары сыйлығы» байқауы өтіп жатыр Маңғыстаудағы шағын қалашықта кинотеатр ашылады

30 тамыз

Мерекенің басты оқиғасы Орталық саябақтың тұрақ алаңында қазақстандық эстрада жұлдыздарының қатысуымен өтетін концерт болмақ. Ашық аспан аясындағы концертте тұрғындар мен қонақтарға Әли Оқапов, «Ringo» тобы, «Аламан» триосы, «Рояль» квартеті, «Джентельмендер» тобы, Нұр-Сұлтан қаласының мемлекеттік академиялық филармониясының әртістері және «Наз» мемлекеттік би театрының шығармашылық ұжымы өнер көрсетеді. Концерттің 17:00-де басталып, 22:30-ға дейін жалғасады. Бағдарламаны кез келген адам тамашалай алады.

Сондай-ақ осы күні Қалалық алаңда «Qazaqstan Jastar Fest» спорт фестивлі өтеді. Жарыс келесі спорт түрлерінен: арқан тарту, асық ату, кір тасын көтеру, армрестлинг, грэпплинг, шағын футбол, стритбол, BMX және брейк-данс тан өтеді . Бұдан бөлек, Киокушинкай-кан Каратэ республикалық ұлттық федерациясы спортшыларының, спорттың күштік түрлерінен 4 дүркін әлем рекорд шысы , белгілі қазақ балуандары Балуан Шолақ пен Қажымұқан Мұңайтпасовтың ізін жалғастырушы Сергей Цырульниковтің өнер көрсетуі жоспарланған. Чемпионат аясында алаңда Асық атудан қаланың ашық чемпионаты өтеді. Оған кез келген адам қатыса алады. Жарыс 17:00- де басталып, 19:00-ге дейін жалғасады.

ҚР Ұлттық музейінде өнер ордасының 5 жылдығына арналған «Ұлы дала мұрасы» атты музейлер шеруі өтеді. Шараның салтанатты ашылуында мерекелік концерт, қолдаңбалы өнер, ағаш кесу, керамикалық ыдыс жасаудан шеберлік сағаттары, сондай-ақ музей залдарына экскурсиялар, сөзжұмбақ, кітап, кәдесый көрмесі, «Тоғызқұмалақ», «Асық ату», «Шеңбер» ойындарынан жарыстар өтеді. Шара 18.00-де басталып, 03:00-де аяқталады.

«Жастар» сарайында «Рухани жаңғыру» бағдарламасы аясында Конституция күніне арналған «Астана» эстрадалық-симфониялық оркестрінің концерттік бағдарламасы қойылады. Басталуы сағат 19:00-де. 28-30 тамыз Конгресс-орталықта «Eurasia Fashion Week» сән көрсетілімі өтеді. Қазақстандық және шетелдік дизайнерлер алдағы жылдың көктем және жаз маусымына арналған коллекциясын таныстырады. Сән апталығы аясында дизайнерлердің шоу-румдары және EFW-тің халықаралық қонақтарынан танымдық шеберлік сағаттары өтеді деп жоспарланған. EURASIAN FASHION WEEK – Еуразиялық контитенттің сәні мен стилін ұсынатын, әлемдік деңгейдегі дизайнерлер мен сән әлеміне жаңа қадам басқан жаңа есімдерді ашатын жаңа халықаралық алаң.

30-31 тамыз елорданың Қуыршақтар театрында қала тұрғындары мен қонақтары «Жалқаудың айласы» көңілді спекталін тамашалай алады. Ертегі оқиғасы спортпен шұғылданып, жол жүру ережесін үйренгісі келмейтін бала туралы баяндайды. Спектакльді 14:00-де қазақ тілінде, 12:00 және 16:00-де орыс тілінде көруге болады. Билет бағасы – 700 теңге.

Орталық саябақта, Жетісу және Жерұйық саябақтарында балаларға арналған «Бақтың жеті ғаламаты» атты ойын-сауық бағдарламасы өтеді. Шара осымен үшінші жыл қатарынан елорданың кішкентай тұрғындары мен қонақтарын қуантатын болады. Саябақтың кішкентай қонақтарының көңілін Миньондар, Барби қуыршағы, Мадагаскар және Губка Боб және т.б. мультфильмдердің кейіпкерлері көтереді. Тәуелсіздік сарайында «Ақанаевтар әулеті» және «Ата-заң – ел тірегі, Нұр-Сұлтан – ел жүрегі» атты екі бірдей көрме өтеді.

31 тамыз

Елордалық саябақтарда ашық аспан аясындағы «Fitness Park Nur-Sultan» апталық жаттығуы өтеді. Спорттан тегін жаттығу жексенбі күні 10:00-ден 12:00 аралығында Астаналық, Жетісу, Жерұйық саябақтары мен Ботаникалық бақта өтеді. Жаттығуды CrossFit, йога, бокс, бразилиялық джиу-джитсу, Zumba, үстел ойындары (дойбы, шахмат) және топпен жүгіруден арнайы мамандар жүргізеді.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT