Конгода президент әкімшілігінің қызметкерлері мінген ұшақ апатқа ұшырады
2019 жылғы 11 қазан 17:28

Конгода президент әкімшілігінің қызметкерлері мінген ұшақ апатқа ұшырады

НҰР-СҰЛТАН. ҚазАқпарат – Конго Демократиялық Республикасының шығыс бөлігінде жоғалып кеткен Ан-72 әскери-көліктік ұшағы апатқа ұшырады, деп хабарлайды ҚазАқпарат КДР Азаматтық авиция басқармасына сілтеме жасап.

Конголезиялық радионың мәліметінше, ұшақ бортында экипаждың төрт мүшесі, әскери қызметкерлер, сондай-ақ, КДР президенті әкімшілігінің қызметкерлері болған.

Ұшақ КДР шығысындағы Гома қаласынан елдің астанасы Киншасаға бара жатқан. Ұшқан сәттен 59 минут өткен соң ұшақпен байланыс үзілген. Опат болған жолаушылардың аты-жөні әзірге белгісіз, алайда әскери ақпарат көздерінің мәліметінше, олардың арасында президенттің жеке жүргізушісі, оның қауіпсіздік қызметінің қызметкерлері және көмекші қызметкерлері болуы мүмкін.

Jańalyqtar

MURAǴAT