Конькимен жүгіруден әлем чемпионаты: Қазақстан командасы алғашқы ондыққа кірді

НҰР-СҰЛТАН. ҚазАқпарат - АҚШ-тың Солт-Лейк-Сити қаласында конькимен жүгіруден жекелеген қашықтықтар бойынша әлем чемпионаты өтіп жатыр, деп хабарлайды ҚазАқпарат.

ҚР Ұлттық олимпиадалық комитеті хабарлағандай, әлем чемпионатының алғашқы күнінде ерлер мен әйелдер 5000 метрге жарысудан сынға түсті. Қазақстан командасы ерлер арасындағы командалық спринттен сынға түсті.

Жарыс нәтижесі бойынша, жерлестеріміз 1:20,39 уақыт көрсеткішімен алтыншы орын иеленді. Алтын жүлдені Нидерланд спортшылары, «күмісті» қытайлықтар, қола жүлдені Норвегия құрамасы қанжығаларына байлады.