Коммуналдық қызмет тарифтері биылғы 1 шілдеге дейін көтерілмейді

НҰР-СҰЛТАН. ҚазАқпарат - Коммуналдық қызмет тарифтері 2022 жылғы 1 шілдеге дейін көтерілмейді. ҚазАқпарат бұл туралы ҚР Орталық коммуникациялар қызметіне сілтеме жасап хабарлайды.

«Мемлекет басшысының тапсырмасын орындау мақсатында реттелетін коммуналдық қызметтерге, атап айтқанда сумен жабдықтау, су тарту, жылумен жабдықтау, газбен жабдықтау және электрмен жабдықтау тарифтерін көтеруге мораторий енгізілуде. Бұл мораторий 2022 жылғы 1 шілдеге дейін күшінде», - делінген ҚР ОКҚ сайтында.