+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Көмір бағасының негізсіз өсуіне тосқауылдар қойылады

2018 жылғы 14 тамыз 17:41
Бөлісіңіз:
Көмір бағасының негізсіз өсуіне тосқауылдар қойылады

АСТАНА. ҚазАқпарат - Арнайы құрылған штаб қолма қол режімде көмір бағасына қатысты ахуалды реттеп отырады. Бұл туралы «Үкімет үйінде» өткен баспасөз мәслихатында ҚР Инвестициялар және даму вице-министрі Роман Скляр мәлім етті, деп хабарлайды ҚазАқпарат.

«Жыл басынан бері 60 млн тонна көмір өндіріліп, бұл көрсеткіш былтырға қарағанда 103,9 пайызды құрады. Электр энергиясы стансаларына 32,5 млн тонна, коммуналдық-тұрмыстық қажеттіліктер мен тұрғындарға 5,5 млн тонна тиелді, сондай-ақ 15 млн тоннасы экспортқа бағытталды. Жылу беру маусымындағы жұмыстардың тұрақтылығын қамтамасыз ету тұрғысында биылғы 7 тамыздағы Үкімет басшысының тапсырмасымен, сонымен қатар Энергетика, Инвестициялар және даму министрліктерінің бірлескен бұйрықтарымен тиісті штаб құрылды. Штаб өз кезегінде биылғы жылу беру маусымының барысына мониторинг жүргізеді. Штаб құрамына меморгандар, ұлттық компаниялар мен өндіруші компаниялардың өкілдері енді», - деді Р. Скляр.

Оның сөзіне қарағанда, Энергетика министрлігі күн сайын күз әрі қыс кезеңдеріне мониторинг жүргізіп, электр стансаларында көмір қорының жиналуын назарда ұстайды. Ал ҚР ИДМ апта сайынғы негізде көмірді өндіру мен тасымалдау шараларына мониторинг жасайды.

Көмір бағасының қалыптасуы тақырыбына тоқталған Р. Скляр, бұл мәселе әкімдіктердің, Табиғи монополияларды реттеу, бәсекелестікті және тұтынушылардың құқықтарын қорғау комитетінің, ИДМ бақылауында болатынын жеткізді.

Бұдан бұрын хабарланғандай, көмір бағасы делдалдар арқылы жасанды түрде көтерілетіні айтылған еді.

Сонымен қатар Энергетика министрлігі ШҚО-да көмірдің қымбаттауына қатысты да жауап берді.

Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT