Колледж директорлары мектеп мұғалімдерінен төмен жалақы алады – министр
2022 жылғы 15 тамыз 19:30

Колледж директорлары мектеп мұғалімдерінен төмен жалақы алады – министр

НҰР-СҰЛТАН. ҚазАқпарат – ҚР Оқу-ағарту министрі Асхат Аймағамбетов колледж директорларының төмен жалақы алатынын сынға алды, деп хабарлайды ҚазАқпарат тілшісі.

Оның айтуынша, колледж директорлары мектеп мұғалімдерінен төмен еңбекақы алады.

«Сондықтан бұл жерде өте маңызды өзгерістер қажет. Министрліктің де өз ұстанымы бар – біз тиісті мемлекеттік органдармен бірлесіп, келесі оқу жылында бұл міндетті толық шешу үшін бар күшімізді саламыз», - деді министр елордада өткен тамыз конференциясының «Еңбек нарығы және кәсіптік білім: жаңа мүмкіндіктер» панельдік сессиясында.

А. Аймағамбетов атқарылған жұмыс нәтижелерін атап өтті. Қазіргі уақытта колледж педагогтері санатын көтергені үшін қосымша ақы ала алады. Бұрын бұл аттестаттаудан өту үшін жасалатын.

Сондай-ақ 180 колледж қайта жабдықталды, колледждерде өздерінің білім беру бағдарламаларын нарық пен жұмыс берушілердің талаптарына өзгерту мүмкіндігі пайда болды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT