+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Көлік сатып алуға келген адамды пышақтап, 10 млн теңгесін алып кеткен

2021 жылғы 13 қазан 09:55
Бөлісіңіз:
Көлік сатып алуға келген адамды пышақтап, 10 млн теңгесін алып кеткен

АЛМАТЫ. ҚазАқпарат – Алматы облысының тұрғыны өзінен көлік сатып алуға келген азаматты пышақтап, 10 млн теңгесін алып кетті, деп хабарлайды ҚазАқпарат Polisia.kz сайтына сілтеме жасап.

«Еңбекшіқазақ ауданы Полиция басқармасының кезекші бөліміне аудандық ауруханаға арқа тұсына сұғылған пышақ жарақаты бар 33 жастағы Алматы қаласының тұрғыны жеткізілгені туралы хабар түсті. Ауруханаға жеткен жедел-тергеу тобы аталған фактіні растап, іздеу шараларын бастап кетті. Кейін сатушымен кездесу кезінде күдікті суық қару қолданып, зардап шегушіден 10 миллион теңге көлемінде ақшасын тартып алғаны анықталды», - деді Еңбекшіқазақ ауданы Полиция басқармасының бастығы Жақсылық Алтынбаев.

Зардап шегуші күдіктіден Tayota Camry 70 автокөлігін сатып алмақ болған. Кездесу және ақшаны беру Есік қаласында өткен.

«Аз уақыттың ішінде жедел қызметкерлер ер адамды анықтап, ұстады. Оны зардап шегуші мен куәгер таныды. Ол – 22 жастағы Есік қаласының тұрғыны болып шықты. Қазіргі кезде оған қатысты ҚР ҚК-нің 192-бабы 4-бөлігі 1-тармағы бойынша қылмыстық өндіріс қозғалды. Күдікті жасаған қылмысын мойындады. Қазіргі кезде уақытша ұстау изоляторына қамалған», - деп қосты Жақсылық Алтынбаев.


Біздің каналымызға жазылыңыз:

Бөлісіңіз:

Автор:

Бибіхан Серікова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT