+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Көлік прокуратурасы: Mobius жүйесі заңсыз билет саудасын жойған жоқ

2019 жылғы 31 шілде 11:56
Бөлісіңіз:
Көлік прокуратурасы: Mobius жүйесі заңсыз билет саудасын жойған жоқ

НҰР-СҰЛТАН. ҚазАқпарат – ҚР Бас көлік прокурорының міндетін атқарушы Жасұлан Еламанов теміржол билеттерін сатуға арналған Mobius жүйесін сынға алды, деп хабарлайды ҚазАқпарат тілшісі.

Ұқсас жаңалықтар
Ақтөбеде 3 күнде 100-ге жуық табиғатты қорғау заңдылығын бұзу дерегі анықталды Өткен жылы теміржолдан өту ережесін бұзған 25 мыңнан аса адам жауапқа тартылды Ақтөбеде пиротехника өнімдері заңсыз сатылып келген

Жасұлан Еламанов әуелі «Нұрлы жол» бағдарламасының қаржысын игеру бойынша кешенді тексеру басталғанын мәлім етті.

«Тексерулер көліктік бақылау органдарының жұмысында елеулі кемшіліктер бар екенін анықтады. Өткен жылы әкімшілік жауапкершіліктен жалтару, арнайы рұқсаттарды заңсыз жолмен беру, мәжбүрлі тыйым шараларын қолданбау сияқты кемшіліктер анықталған болатын. ҚР Индустрия және инфрақұрылымдық даму министрлігіне тиісті ұсынымдар бергенбіз. Сол ұсынымдар бойынша Көлік комитетіне қарасты аумақтық бөлімшелердің 14 қызметкері әкімшілік жауапқа тартылды. Ал сыбайлас жемқорлыққа қарсы іс-қимыл қызметінің өкілдері бірнеше лауазымды тұлғаны пара алғаны үшін ұстады», - деген көлік прокуратурасының өкілі «ҚазАвтожол» ұлттық компаниясының жұмысында заңбұзушылықтар анықталғанын атады.


«Көліктік бақылау қызметіне сауал көп. 2015 жылдан бері «Нұрлы жол» бағдарламасы бойынша 51 жоба жүзеге асырылған. Олар 1700 шақырым автомобиль жолын салып жөндеуге бағытталған жобалар болатын. Жалпы сомасы 700 млрд теңгеге таяу. Қазір уәкілетті органдармен бірге сол қаржының қаншалықты заңды игерілгенін тексеріп жатырмыз. Әзірдің өзінде «ҚазАвтожол» ұлттық компаниясы мен оның аумақтық бөлімшелерінің қызметінде өте күрделі заңбұзушылықтар анықталып жатыр», - деді ол.

Жасұлан Еламанов теміржол билетінің саудасын реттеу үшін іске қосылған Mobius жүйесінің жұмысын сынға алды.

«Бұл жүйе билет алып сатқыштардың жолын кесуі тиіс болған. Қазір олай болмағанын көріп отырмыз. Билетті алып-сату әлі жалғасуда. Оған БАҚ-тағы материалдар дәлел. Соның бірі бойынша тексеру жүргізіп, Шымкент қаласындағы вокзалдардан бір күннің ішінде билетті заңсыз сатып жүрген 6 адамды ұстадық. Олардың бәрі әкімшілік құқық бұзу кодексінің 449-бабы бойынша жауапқа тартылды. Дәл оындай жағдай Алматы қаласының вокзалдарында да орын алып отыр. Бұл мысалдар Mobius жүйесін айналып өтуге болатынын көрсетеді. Бұл мәселе әлі жойылмағандықтан, өзге де жауапты органдармен бірге шара қолданамыз», - деді ҚР Бас көлік прокурорының міндетін атқарушы.

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT