Қолданушы баптаулары
Қолданушы баптаулары
+7 (701) 759 90 19 Лента
USD 386.04 EUR 427.77
RUB 5.88 CNY 54.45
Jańalyqtar

Көлік полицейлері шеберліктерін шыңдау бойынша оқу-жаттығу сабақтарын өткізді

2019 жылғы 17 шілде 18:53 285
Бөлісіңіз:
Көлік полицейлері шеберліктерін шыңдау бойынша оқу-жаттығу сабақтарын өткізді

АЛМАТЫ. ҚазАқпарат - Бүгін Көлік полицейлері шеберліктерін шыңдау бойынша оқу-жаттығу сабақтарын өткізді, деп хабарлайды ҚазАқпарат Көліктегі полиция департаментінің баспасөз қызметіне сілтеме жасап.

Алматы 1 станциясындағы Желілік полиция басқармасының аумағында Көліктегі полиция департаменті Арнайы және жұмылдыру даярлық басқармасының қызметкерлері Алматы полиция департаменті қызметкерлерімен бірлесе, экстремалдық жағдайлар туындаған кездегі бастапқы шараларды орындау бойынша теориялық және практикалық сабақтарды өткізді.

«Қызметтік міндеттерін орындау кезінде полиция қызметкерлері құқық бұзушылардың бағынбау іс-әрекеттерімен жиі бетпе-бет келеді. Бұл даярлықтың полиция қызметкерлерінің кәсіби шеберліктерінің маңызды компоненті болып табылатындығы және күнделікті қызметте экстремалдық жағдайлардың туындауы кезінде зор маңызға ие екендігі сөзсіз»- деп атап өтті Көліктегі полиция департаментінің бастығы полиция полковнигі Аманжол Қабылов.

Оқу-жаттығу сабақтарының барысында қатысушылараға стратегиялық маңыздағы объектілерге шабуыл жасау қаупі төнген кездегі кезекші-жасақтың іс-әрекетінің алгоритімі егжей-тегжейлі түсіндірілді. Осындай жағдайлар кезінде қызметкер белгілі бір функцияларды білуі және нақты орындауы қажет.

Бұдан соң жедел топтардың видеоматериалдар, сондай-ақ қарулы қылмыскерлерге қарсы қолданатын арнайы құралдар көрсетілді.



Бұдан басқа құрама жасақ қызметкерлері өздерінің дағдарыстық жағдайлар туындаған кездегі арнайы құралдарды қолдана отырып, жасайтын кәсіби машықтарын паш етті.

Іс-шараның соңында темір жол вокзалдары мен әуежайлардан күдікті зат тауып алу кезіндегі патрульдік қызметтің кезекші жасақтарының бастапқы іс-әрекеттері көрсетілді. Сонымен қатар кезекші жасақтардың, жедел-тергеу топтарының, жарылғыш технигі мамандарының және кинологиялық қызмет мамандарының қызметтік-іздестіру иттерімен бірге жүргізетін іс-әрекеттері пысықталды.

Өз кезегінде жарылғыш техника мамандары жарылғыш заттарды залалсыздандыратын арнайы техникамен таныстырды.

Жалпы, алға қойылған барлық міндеттер табысты орындалды. Көлік полицейлері әскери даярлықтарының жоғары деңгейде екендігін көрсетті.

Жаттығудың қорытындысы бойынша Департамент басшылығы барлық жұмылдырылған қызметтердің бірлескен іс-қимылына оң баға берді.




Біздің каналымызға жазылыңыз:

Басты сөздер: Алматы, ҚР ІІМ, Қауіпсіздік,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT