Көлігі жыраға құлаған шетелдік жүргізушіге көмек көрсетілді – ШҚО
2021 жылғы 28 қаңтар 16:51

Көлігі жыраға құлаған шетелдік жүргізушіге көмек көрсетілді – ШҚО

ӨСКЕМЕН. ҚазАқпарат – Шығыс Қазақстан облысында көлігі жыраға құлап кеткен шетелдік жүргізушіге көмек көрсетілді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметінше, Семей қаласынан 50 шақырым жердегі Қызымшек ауылының маңында Mercedes жүк көлігі жыраға құлап кеткен. Бірден сол жерге №2 өрт сөндіру бөлімінің құтқарушылары арнайы техникамен келіп жетті.

«Шетелдік жүргізуші жүк тиеп келе жатқанын айтып, эвакуациядан бас тартты. Құтқарушылар көлікті жолға шығарып берген соң ол ары қарай сапарын жалғастырды», - деп хабарлады ведомство өкілдері.

Осы ретте ТЖД өңір тұрғындарына алыс сапарға шыққан кезде Darmen мобильді қосымшасы арқылы жолдардың жай-күйін алдын ала біліп алуға кеңес береді. Сондай-ақ қандай да бір қиын жағдайға тап болғанда «112» нөміріне қоңырау шалу керектігін еске салады.


Ұқсас жаңалықтар

Jańalyqtar

MURAǴAT