Көктайғақ: Нұр-Сұлтанда он шақты күн ішінде 888 адам зардап шеккен

None
None
НҰР-СҰЛТАН. ҚазАқпарат – 9 қарашадан бері көктайғаққа байланысты қаланың медициналық ұйымдарына 3 588 азамат жүгінген. Бұл туралы Нұр-Сұлтан қаласының Баспасөз орталығында қалалық Қоғамдық денсаулық басқармасының штаттан тыс бас травматологы Алексей Солод мәлім етті, деп хабарлайды ҚазАқпарат тілшісі.

«Қыс басталғалы ауруханаға әртүрлі дене жарақатымен түсетіндердің саны артады. Әдеттегі мезгілдерден қарағанда жарақат алғандардың саны 2-3 есе өсетін кездер де болады. Себебі де белгілі: көктайғақ, жол-көлік оқиғалары, өрттер мен ыс тию жағдайларының осы мезгілде көбейеді. Мәселен, биыл мұз қатқан уақыттан бері, яғни 9 қарашадан бастап (көктайғақ кезеңі қар жауған күннен бастап есептеледі) қаланың медициналық ұйымдарына 3 588 азамат жүгінген. Оның 1 905-і балалар. Көктайғақтан зардап шегіп келгендердің саны – 888. Көбі жеңіл жарақат алған. Тек төртеуі ауруханаға жатқызылды», - деді Алексей Солод.

Оның айтуынша, жарақат алғандардың көбі аяқ-қолының ауырсынуы мен сынуы, буынның шығып кетуі, сіңірдің созылуы, қосарлас жарақат, бас сүйек жарақаты бойынша ауруханаға жүгінеді.

Қазіргі уақытта елордада 4 бірдей травматологиялық пункт жұмыс істеп тұр. Оның бірі Есіл ауданындағы №1 қалалық аурухана болса, екіншісі Сарыарқа ауданындағы Орталық жол ауруханасы, үшіншісі Байқоңыр ауданындағы Травматологиядық орталық ҒЗИ, төртіншісі №2 қалалық балалар ауруханасының жарақат бөлімі.

Соңғы жаңалықтар