+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Көкшетаулық кәсіпкер аутизмі бар балаларға арналған спорт залын жөндеп берді

2021 жылғы 25 қыркүйек 23:29
Бөлісіңіз:
Көкшетаулық кәсіпкер аутизмі бар балаларға арналған спорт залын жөндеп берді

КӨКШЕТАУ. ҚазАқпарат – Көкшетаулық кәсіпкер аутизм дертіне шалдыққан балаларға арналған спорт залын жөндеп берді, деп хабарлайды ҚазАқпарат тілшісі.

Ұқсас жаңалықтар
Қарағандыда мұқтаж отбасыға төрт бөлмелі үй сыйға тартылды

Ақмола облысы Дене шынықтыру және спорт басқармасы баспасөз қызметінің мәліметінше, биылғы жылдың сәуір айында мүмкіндігі шектеулі жандардың «Мерген» спорт клубында ойлау қабілеті нашар балаларға арналған бөлімше ашылды. Оған «Ерекше өмір» қоғамдық қорының балалары барады. Күрделі жөндеуді көрмеген мұндағы спорт залы балалардың спортпен шұғылдануына кедергі болған. Осынау игі істі туған өлкеге немқұрайлы қарамайтын кәсіпкер Артем Синельников жүзеге асырған. Ол «ерекше» балаларға көмектесуге шешім қабылдап, спорт залын адам танымастай өзгерткен.

«Біздің қаламызда, облыста осындай балалар үшін жайлы орта құру маңызды. Біздің кәсіпорынның осындай игі іске үлесі қосқаны мені қуантып отыр. Осымен тоқтап қалмай, алдағы уақытта тағы көмектесе беретін боламыз», - деп атап өтті А.Синельников.

Ойлау қабілеті нашар баланың анасы, «Ерекше өмір» қоғамдық қорының жетекшісі Әлия Рақымбекованың айтуынша, ұйым 2018 жылы құрылған, онда екі жастан 13 жасқа дейінгі балалармен логопедтер, дефектологтар және психологтар жұмыс істейді.

«Спортзалдағы жөндеу жұмыстары өте сапалы атқарылды, меценат пен оның ұжымына адал еңбектері үшін шынайы алғысымды білдіремін. Балалардың жаттығуы үшін барлық жағдай жасалған. Спортзалдың іші жарықтанып, кеңейді. Ендігі арада біз жеке сабақтар үшін қажетті спорттық құрал-жабдықтарды сатып алуды, сондай-ақ үлкейген балаларды оңалтуды жоспарлап отырмыз», - деді Ә.Рақымбекова.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT