21:19, 02 Мамыр 2016 | GMT +6
Көкшетаулық Әлемгүл Сабырхан киокушинкай-кан каратэден Азия чемпионы атанды
КӨКШЕТАУ. ҚазАқпарат - Көкшетаулық Әлемгүл Сабырхан киокушинкай-кан каратэден Азия чемпионы атанды.
Қытайдың Гуанджоу қаласында киокушинкай-кан каратэден ерлер мен әйелдер арасында XVI Азия чемпионаты өтті. Оған әлемнің 15 елінен барған спортшылар қатысты. Қазақстан құрамасы сапында болған 6 (4 ер, 2 әйел) спортшының екеуі ақмолалықтар Берік Кұрманғалиев пен Әлемгүл Сабырхан жақсы өнер көрсетті. Жерлестеріміздің арасында Әлемгүл Сабырхан алтын жүлдегер атанса, Берік Кұрманғалиев төртінші орыннан көрінді.