Көкшетаудағы ЖОО ұжымы елорда атауының Нұр-Сұлтан деп өзгертілуін қолдауда
Бұл туралы жоғары білім ордасында өткен іс-шарада айтылды. Іс-шарада білім ордасының профессор-оқытушылар құрамы мен студенттері елорда атауының Нұр-Сұлтан деп өзгертілуін жылы қабылдап, Елбасы туралы өз пікірлерін айтты.
Оқу ордасының проректоры Аманай Сейтқасымов және «Жас Отан» жастар қанатының жетекшісі Құрманбек Әділет Елбасының тәуелсіз мемлекет құру жолындағы ерен еңбектері мен оның осы жолдағы атқарған игі істерін айта келіп, Ұлт көшбасшысының бараша қазақ елі үшін қосқан үлесі зор екеніне тоқталды.
«Бүгінде Елбасымыздың көреген де сарабдал саясатының арқасында жаңа тәуелсіз мемлекет құрылып, табысты жетістіктерге жетті. Қазақ елін барша әлем танып отыр. Мәңгілік еліміздің жүрегі болып табылатын Астана қаласының атауы Нұр-Сұлтан болып өзгертілуіне толық негіз бар, әрі келешек ұрпаққа үлкен мәртебе деп білеміз», - деп атап өтті Шоқан Уәлиханов атындағы Көкшетау мемлекеттік университетінің проректоры Аманай Сейтқасымов.