Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

Көкшетаудағы жəрмеңкеде 43 млн теңгенің азық-түлігі саудаға шығарылды

2018 жылғы 8 желтоқсан 18:40 25
Бөлісіңіз:
Көкшетаудағы жəрмеңкеде 43 млн теңгенің азық-түлігі саудаға шығарылды

КӨКШЕТАУ. ҚазАқпарат - Көкшетауда «Алтын ғасыр» сауда үйінің алдында арзан азық-түлік өнімдерінің жәрмеңкесі өткізілді, деп хабарлайды «ҚазАқпарат» ХАА тілшісі.

Ұқсас жаңалықтар
«Сыбаға» бағдарламасы қайта жаңғыртылды АШМ суармалы жерлер бағдарламасын әзірледі

Жәрмеңкеге Ақкөл, Атбасар, Жақсы, Бұланды аудандары және облыс орталығындағы ауыл шаруашылығы тауарларын өндірушілер қатысты. Жәрмеңкені аймақ басшысы Мəлік Мырзалин аралап көріп, азық-түлік бағасы мен сапасына назар аударды.

Жəрмеңкеде ұсынылған азық-түлік бағасы қала базарлары және дүкендерімен салыстырғанда 15-20 пайыз арзанға сатылды. Сол себепті таңғы сағат тоғызда басталған жәрмеңкеде халықтың қарасы көп болды. Қала тұрғындары жұмыртқа, ет, сүт, картоп және ұн өнімдерін молынан сатып алды.


Көкшетаудағы жəрмеңкеде 43 млн теңгенің азық-түлігі саудаға шығарылды    «Биылғы жылы осымен үшінші рет осындай жəрмеңкеге келіп отырмын. Азық-түлік өнімдерінің бағасы көңілге қонымды. Сиыр етінің келісін 1250 теңгеден, қаздың етінің келісін 1200 теңгеден сатып алдым», - дейді Көкшетау қаласының тұрғыны.

Сонымен қатар, аудандардан ат терлетіп келген ауыл шаруашылығы тауарларын өндірушілердің де көңіл-күйі көтеріңкі болды.
Көкшетаудағы жəрмеңкеде 43 млн теңгенің азық-түлігі саудаға шығарылды

«Біз əрине, облыс орталығына өз өнімдерімізді əкелгенге қуанамыз. Мұнда сауда орнына ақша төлемейміз. Ең бастысы қалалықтардың біздің тауарларға сұранысы жоғары», - дейді Жақсы ауданынан келген саудагер.
Көкшетаудағы жəрмеңкеде 43 млн теңгенің азық-түлігі саудаға шығарылды

Əкімдіктің мәліметі бойынша, бұл жолы жәрмеңкеге 40 түрлі азық-түлік әкелінген. Олардың жалпы құны 43 миллион теңгені құрайды.

«Жəрмеңкеге 22 тоннаға жуық ет пен шұжық, 5 тонна балық, 150 мың дана жұмыртқа, 6 тоннадан астам сүт және өзге де ауыл шаруашылығы өнімдері жеткізілді», - деп түсіндірді əкімдіктегілер.
Көкшетаудағы жəрмеңкеде 43 млн теңгенің азық-түлігі саудаға шығарылды

Еске сала кетейік, жақында облыс əкімдігінде өткен мәжілісте əлеуметтік маңызы зор азық-түлік тауарлары бағасының өсуіне жол бермеу шаралары талқыланған еді. Онда бағаны тұрақтандыру мақсатында өңіраралық ауыл шаруашылығы кооперацияларын нығайту, мемлекеттік-жекешелік əріптестік шеңберінде ауыл шаруашылығы өнімдерінің азық-түлік жəрмеңкесін жиі өткізіп тұру қажеттігі айтылды.

 

 

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанат Қапалбаева
Жанат Қапалбаева
954-059
MURAǴAT