+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Көкшетауда жүргізушіге тапанша кезеген күдіктілер ұсталды

2020 жылғы 19 қазан 20:31
Бөлісіңіз:
Көкшетауда жүргізушіге тапанша кезеген күдіктілер ұсталды

КӨКШЕТАУ. ҚазАқпарат – Көкшетауда бейтаныс жүргізушіні тапаншамен қорқытқандар бейнебақылау камерасы арқылы ұсталды, деп хабарлайды ҚазАқпарат тілшісі.

Ақмола облыстық Полиция департаменті баспасөз қызметінің мәліметінше, 16 қазанда Көкшетау қалалық полиция бөліміне 29 жастағы көлік жүргізушісі арызданған. Зардап шегушінің сөзінше, сол күні сағат 11:15-те Әуезов көшесінің бойында бейтаныс екі ер адам оны тапаншаға ұқсас затпен қорқытып, жеткізіп салуды талап ектен.

«Оқиға орнына барған тәртіп сақшылары «Аригато» дәмханасының маңында бейтаныс екі ер адамның «Мазда» көлігіне отырып, жүргізушіні тапаншаға ұқсас затпен қорқытқанын анықтады. Жүргізушінің сөзінше, күдіктілердің бірінің бет бейнесі азиаттыққа, екіншісі еуропалыққа ұқсас. Біреуі үстіне әскери камуфляж күртке, екіншісі қара түсті күртке мен көк түсті джинсы киген», - деді ведомстводан.

Жедел-іздестіру шарасы барысында Жедел басқару орталығының бейнебақылау камерасы арқылы 29 және 28 жастағы екі ер адам ұсталды. Күдіктілердің бірі СҚО Айыртау ауданының, екіншісі Көкшетау қаласының тұрғыны. Оларды ұстау кезінде пневматикалық тапанша тәркіленді.

«Қазіргі кезде сараптама тағайындалды. Күдіктілердің үстінен ҚР ҚК 293-бабының 2-бөлігі «бұзақылық» бойынша қылмыстық іс қозғалды. Тергеу шаралары жалғасуда», - деп толықтырды ведомстводан.


Біздің каналымызға жазылыңыз:

Бөлісіңіз:

Автор:

Аслан Оспанов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT