Көкшетауда жоғалған көпбалалы әйел табылды
Ведомствоның мәліметінше, биылғы жылғы қаңтардың 13-де Көкшетау қалалық ПБ кезекші бөліміне 34 жастағы жергілікті тұрғын хабарласып, үйінен белгісіз жаққа кетіп қалған 32 жастағы әйелін іздеп табуға көмек сұраған.
«Осыған байланысты тәртіп сақшылары жедел-іздестіру шарасын қолға алды. Оған тәртіп сақшыларынан бөлек еріктілер де тартылды. Көкшетау қаласындағы барлық бейнебақылау камераларының бейнежазбалары тексеріліп, әйелдің туыстары мен таныстары сұралды», - деді ведомстводан.
Белгілі болғандай, әйелдің кәмелетке толмаған төрт баласы бар. Ол қаңтардың 12-де түнгі сағат 23:30-дар шамасында үйінен шығып кеткен.
«Арада бір күн өткен соң әйелді тәртіп сақшылары тапты. Ол отбасылық мәселеге байланысты үйінен кетіп, жалғыз болғысы келген», - деп толықтырды ведомстводан.