USD 436.29 EUR 492.83
RUB 5.92 CNY 68.48
Jańalyqtar

Көкшетауда жас ақындар айтысы өтті

2021 жылғы 10 қыркүйек 09:41
Бөлісіңіз:
Көкшетауда жас ақындар айтысы өтті

КӨКШЕТАУ. ҚазАқпарат - Көкшетауда Қазақстан халқы тілдерінің онкүндігі аясында Ел тәуелсіздігінің 30 жылдығына арналған «Тіл мәртебесі – ел мәртебесі» тақырыбымен жас ақындар арасында айтыс өтті, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Ұқсас жаңалықтар
Тәуелсіздіктің 30 жылдығы: ақмолалық жас тарихшылар мен өлкетанушылар бас қосты Ақмола облысында автосервис механигі ұрлаған автокөлікпен жол апатына ұшырады Тұңғыш Президент күні Көкшетауда жеті сәби дүниеге келді

«Достар» мәдениет сарайында ұйымдастырылған айтыстың мақсаты - қазақ халық ауыз өнерін дамыту, жас ақындардың шығармашылық бастамаларын қолдау, жалпыадамзаттық құндылықтарды дәріптеу.

Жыр додасында ақындар еліміздің егемендік жылдарындағы жетістіктері мен табыстарын, саяси тұрақтылықты, достықты, Қазақстан халқының бірлігі мен келісімін жырлады.

Айтысқа ақын Арман Бердалин, Көкшетау қалалық ақпараттық-кітапхана жүйесінің жетекшісі, ақын Қуаныш Оспан, «Көкшетау» газетінің бас редакторы, ақын, жазушы Серік Жетпісқалиев қазылық етті. Қазылар алқасының шешімімен бас жүлдені Көкшетаулық жас ақын Нұрмахан Жақыпбек жеңіп алды.

«Жыр сайысына қатысып, жеңімпаз атанғаныма қуаныштымын. Айтыскерлердің әрқайсысы шеберлік пен импровизацияның жоғары деңгейін көрсетті. Шараны ұйымдастырушыларға алғысымды білдіргім келеді», - деді Нұрмахан Жақыпбек.

Жеңімпаздар мен жүлдегерлер диплом, алғыс хат және бағалы сыйлықпен марапатталды.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT