Көкшетауда үш күн бұрын 24 жастағы ер адамды пышақтап кеткен күдікті қолға түсті

КӨКШЕТАУ. ҚазАқпарат - Бүгін Көкшетауда құқық қорғау органдарының қызметкерлері осыдан үш күн бұрын Атбасар ауданында адам өлтірген 47 жастағы ер адамды қолға түсірді, деп хабарлады облыстық ІІД баспасөз қызметінен.

Полицейлердің мәліметі бойынша 18 қазанда Атбасар ауданының Хрящевка аулындағы клубта ішімдікке сылқия тойып алған екі ер адам сөзге келіп қалған. Оның бірі 24 жастағы жергілікті тұрғын болса, екіншісі - 47 жастағы көкшетаулық. Екеуара туындаған жанжал барысында көкшетаулық қарсыласының ішіне пышақ сұғып алған. Ауыр жарақат алған 24 жастағы жігіт Атбасар аудандық ауруханасында тілге келместен көз жұмған. Жедел-іздестіру шарасы барысында күдікті Атбасар аудандық ІІБ қызметкерлерімен Көкшетау қаласында ұсталды. Қазіргі кезде күдікті кінәсін толық мойындап, оның үстінен ҚР ҚК 106 бабының 3 бөлімі бойынша қылмыстық іс қозғалды.