+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Көкшетауда синтетикалық есірткі сатумен айналысқан ерлі-зайыпты ұсталды

2021 жылғы 29 қазан 03:14
Бөлісіңіз:
Көкшетауда синтетикалық есірткі сатумен айналысқан ерлі-зайыпты ұсталды

КӨКШЕТАУ. ҚазАқпарат - Көкшетауда синтетикалық есірткі сатумен айналысқан ерлі-зайыпты ұсталды, деп хабарлайды ҚазАқпарат тілшісі облыстық Полиция департаментінің баспасөз қызметіне сілтеме жасап.

Ұқсас жаңалықтар
Жұмыс берушісінің малын сатып келген Алматы облысының тұрғыны қамауға алынды Атырауда Трамадол сатып жүрген әйел ұсталды Ақмолалықтар үшін аритмологияны емдеудің жаңа әдістері қолжетімді болды

Ведомствоның мәліметінше, Полиция департаменті есірткі қылмысына қарсы іс-қимыл басқармасының қызметкерлері Көкшетау қаласының Теміржолшылар саябағы аумағында есірткі жасырып жүрген 24 жастағы ер адам мен оның 22 жастағы сүйіктісін ұстады. Ерлі-зайыпты күдіктілерден есірткі салынған 30 орама тәркіленді.

«Ер адамды жеке тінту кезінде 27 орама табылды. Алдын ала анықталғандай, табылған зат «а-PVP пиралеронының құрылымдық аналогы» синтетикалық есірткісі болып шықты. Ал, әйелден есірткі жасырылған жерді суретке түсіріп, геолокация ретінде жіберу кезінде қолданылатын телефон тәркіленді», - деді ведомстводан.

Бұдан бөлек, саябақ аумағын тексеру барысында күдіктілер жасырған тағы 3 орама тәркіленді.

«Күдіктілер көрші облыстан келіп, жақында кепілгер болып жұмысқа орналасқанын, интернетте сөйлескен белгісіз адамнан есірткі алғанын айтты. Олар бар болғаны 10 күн жұмыс істеп, құқық қорғау органдарының қолына түсті»,- деп атап өтті Ақмола облысы ПД есірткі қылмысына қарсы іс-қимыл басқармасының бастығы полиция полковнигі Мейрам Жапбасов.

Күдіктілерге қатысты Қылмыстық кодекстің 296-шы бабы 2-бөлігі бойынша сотқа дейінгі тергеу амалдары қолға алынды.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT