Көкшетауда өрт 73 жастағы зейнеткердің өмірін қиып кетті

АҚМОЛА ОБЛЫСЫ. ҚазАқпарат - Көкшетау қаласындағы жекеменшік үйлердің бірі өртке оранып, бір адам көз жұмды, деп хабарлады ҚР ТЖМ баспасөз қызметінен.

ТЖМ мәліметі бойынша өрт түнгі 04.15 шамасында орын алған. Тілсіз жауды ауыздықтауға аймақтық ТЖД жеке құрамынан 19 адам және өрт сөндіру қызметінің 5 техникасы жұмылдырылды. Оқиға орнынан 1941 жылы туған Е. Бархатованың мүрдесі табылды.