16:50, 08 Маусым 2017 | GMT +6
Көкшетауда құдыққа құлап өлмек болған əйел құтқарылды
КӨКШЕТАУ. ҚазАқпарат-Көкшетауда құдыққа түсіп, өмірімен қоштаспақ болған келіншек құтқарылды, деп хабарлайды «ҚазАқпарат» ХАА тілшісі ТЖД баспасөз қызметіне сілтеме жасап.
ТЖД мәліметі бойынша оқиға ағымдағы жылдың 7 маусымында болған. Түнгі 04:00 шамасында ТЖД кезекшілік бөліміне Көкшетау қаласындағы триатлон мектебінің маңындағы құдыққа əйелдің түсіп кеткені туралы ақпарат түскен.
«Оқиға орнына дереу жеткен құтқарушылар тереңдiгi 3,2 метр ағын суға арналған кəріз құдығында ес-түзсіз жатқан əйелді анықтайды. Алайда, құтқару кезінде есін жиған əйел ТЖД қызметкерлеріне біраз қарсылық көрсетеді. Кейін оның ішімдік ішіп алғаны жəне өмірімен қоштаспақ болғаны анықталды»,- деп көрсетілген хабарламада.