+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Көкшетауда ҚР Халық артісі Жібек Бағысова туралы кітап таныстырылды

2021 жылғы 5 наурыз 01:24
Бөлісіңіз:
Көкшетауда ҚР Халық артісі Жібек Бағысова туралы кітап таныстырылды

КӨКШЕТАУ. ҚазАқпарат - Көкшетауда ҚР Халық артісі, «Парасат» орденінің иегері, Көкшетау қаласының Құрметті азаматы, Шахмет Құсайынов атындағы Ақмола облыстық қазақ музыкалық-драма театрының актрисасы Жібек Есекеқызы Бағысова туралы «Өмірлік өнер мектебім» атты кітаптың тұсаукесері өтті, деп хабарлайды ҚазАқпарат тілшісі.

Ұқсас жаңалықтар
Әзербайжанның Орталық ғылыми кітапханасында «Қазақ әдебиеті апталығы» өтуде Тбилисиде грузин тілінде басылған Абай өлеңдерінің жинағы таныстырылды

Іс-шара облыстық Ішкі саясат басқармасына қарасты «Рухани жаңғыру» өңірлік жобалау кеңсесінің ұйымдастыруымен Ақмола облыстық қазақ театрының 25 жылдығының және Халықаралық әйелдер күнінің қарсаңында өтті. Оған өңір әкімінің орынбасары Айна Мысырәлімова, облыстық Мәдениет, архивтер және құжаттамалар басқармасының басшысы Айгүл Сәбитова, «Рухани жаңғыру» өңірлік жобалық кеңсесінің басшысы Марал Жақыпова, Ш.Хұсайынов атындағы облыстық қазақ музыкалық-драма театры ұжымы мен зиялы қауым өкілдері қатысты.

Жиында сөз алған Ш.Уәлиханов атындағы Көкшетау университетінің профессоры, филология ғылымдарының кандидаты Сәбит Жәмбек, Ақмола облыстық ардагерлер кеңесінің төрағасы, жазушы-аудармашы, Ш.Уәлиханов атындағы Көкшетау университетінің құрметті профессоры Ғосман Төлеғұл, ақын-жазушы, Қазақстан Жазушылар одағының мүшесі Серік Жетпісқалиев, алпыс жыл ғұмырын сахнаға арнаған тұлғаның өзі жайлы, өнері жайлы толғаған кітабы туралы пікірлерін ортаға салды.

Кітапқа Жібек Бағысованың әсерлі, тағылымы мол естелік әңгімесімен бірге Көкшелік өнер, мәдениет қайраткерлерінің, ақын-жазушылардың, журналистердің өнер тұлғасына деген жүрекжарды пікірлері, толғаныстары, тебіреністі жыр-өлеңдері енгізілген. Әсіресе тарлан ақын, жазушы, журналистер Төлеген Қажыбай, Баянғали Әлімжанов, Өмірзақ Мұқай, Иран Ғайып, Серік Жетпісқалиев, Ерболат Баятұлы, Байқал Байәділдің, Бақберген Амалбектің, ел азаматтары - Иран Тасқара, Мұрат Ыдырысовтардың пікірлері, толғаныстары, жыр жолдары енгізілген.

Кітаптың құндылығын «Нартай Бекежанов атындағы Қызылорда облыстық қазақ-музыкалық драма театрының сахнасынан сыр-суреттер», «Шахмет Құсайынов атындағы Ақмола облыстық қазақ-музыкалық драма театрының сахнасынан сыр-суреттер», «Сахнадағы кейіпкерлерім», «Естен кетпес естеліктер», «Әріптестерім мен достарым», «Отбасым» сияқты бөлімдер арттырып тұр.

«Кітап оқырмандарына, әсіресе өнерсүйер жас буынға тағылымы мол, ғибратты дүние болып шыққан. Демек, бүгінгідей «Рухани жаңғыру» атты аса ауқымды ұлттық шаруа атқарылып жатқанда аталмыш кітаптың өнерге өмірін арнаған жас буынға берері мол. Кітап тек өнер адамдары емес, жалпы қалың оқырман қауымға да қызықты, тәрбиелік мәні зор», - дейді Ақмола облыстық «Рухани жаңғыру» қоғамдық сананы жаңғырту бағдарламасын жүзеге асыру бойынша Өңірлік комиссиясының мүшелері.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT