Көкшетауда көшеден егде жастағы әйелдің денесі табылды

КӨКШЕТАУ. ҚазАқпарат – Көкшетауда көшеде қатып қалған егде жастағы әйелдің денесі табылды, деп хабарлайды ҚазАқпарат тілшісі.

Әйелдің денесі Абылай хан даңғылындағы «Шах» дәмханасының маңынан табылған.

«Денесі табылған әйелдің 1951 жылғы екені анықталып отыр. Қазіргі кезде оның неден қайтыс болғанын анықтау үшін сот-медициналық сараптама тағайындалды», - деп түсіндірді Ақмола облыстық Полиция департаментінің баспасөз қызметіндегілер.