+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Көкшетауда коронавирустан көз жұмған адам қызуы 41 градусқа көтерілгенше дәрігерге бармаған

2020 жылғы 15 маусым 12:55
Бөлісіңіз:
Көкшетауда коронавирустан көз жұмған адам қызуы 41 градусқа көтерілгенше дәрігерге бармаған

КӨКШЕТАУ. ҚазАқпарат - Көкшетауда коронавирустан көз жұмған 68 жастағы әйел мен 43 жастағы ер адамның диагноздары белгілі болды. Бұл туралы ҚазАқпарат тілшісі Ақмола облыстық тауарлар және көрсетілетін қызметтердің сапасы мен қауіпсіздігін бақылау департаментінің баспасөз қызметіне сілтеме жасап.

«1952 жылғы әйел өкпесінің екіжақты қабынуы, лимфоаденопатия, эксудативті плеврит белгілерімен көпбейінді облыстық аурухананың интенсивті терапия бөлімшесіне жеткізілді. Жағдайы ауыр деп бағаланды. Науқас демікпеге шағымданды және өкпені жасанды желдету аппаратына қосылды.

Жүргізілген ПТР тексеру коронавирустық инфекцияны анықтады. Бақылаудың барлық кезеңінде науқаста теріс динамика байқалды. Дәрігерлер жүргізген реанимациялық шаралар нәтиже бермеді. 14 маусымда науқас көз жұмды. Жедел жәрдем бригада жеке қорғану құралдарымен жұмыс істеді», - дейді ведомстводан.

Сонымен қатар, Covid-19 коронавирус инфекциясының ауыр ағымы, өкпесінің екіжақты қабынуы жіті респираторлық дистресс-синдромның асқынуы диагнозымен облыс орталығының тұрғыны 1977 жылғы ер адам көз жұмды.

«Медициналық көмекке уақытылы жүгінген кезінде, қайғылы жағдай болмас еді. Ер адам 4 күн өзін-өзі емдеген. Дене қызуы 41,3 градусқа көтерілген кезде дәрігерлер қызметіне жүгінген, бірақ ол нәтиже бермеді. Уыттану синдромы мен тыныс алу жеткіліксіздігінің аясында науқастың жағдайы нашарлап, ол да 14 маусымда көз жұмды», - деп толықтырды ведомстводан.


Біздің каналымызға жазылыңыз:

Бөлісіңіз:

Автор:

Аслан Оспанов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT