12:11, 14 Тамыз 2014 | GMT +6
Көкшетауда көп қабатты үйден өрт шығып, 65 жастағы қария зардап шекті
КӨКШЕТАУ. ҚазАқпарат - Көкшетау қаласындағы Красная көшесінің бойындағы көп қабатты тұрғын үйлердің бірінде газ баллонынан өрт шықты.
Өрттің салдарынан үй иесі 1949 жылғы қарияның беті мен сол қолын 1-ші дәрежедегі күйік шалып, ауруханаға жатқызылды. Тілсіз жауды ауыздықтауға Ақмола облысының ТЖД жеке құрамынан 6 адам және өрт сөндіру қызметінің 2 техникасы тартылды, деп хабарлайды аймақтық ТЖД баспасөз қызметінен.