14:33, 21 Тамыз 2018 | GMT +6
Көкшетауда ер адам кептелістегі көлік қозғалысын реттеді
КӨКШЕТАУ. ҚазАқпарат - Көкшетауда ер адам қаланың орталық көшелерінің қиылысқан тұсында көлік қозғалысын реттеді. Бұл туралы Instagram әлеуметтік желісінде бейнежазба жарияланды, деп хабарлайды ҚазАқпарат тілшісі.
Бейнежазбада көрсетілгендей кептелістің М.Горький жəне Абай көшелерінің қиылысында орын алған. Қарбалас сəтте бағдаршам істемей, жол қозғалысын үстіне спорттық киім киген ер адам реттеп тұрғанын байқауға болады. Артынша кептеліс орын алған жерге жол полициясының қызметкері келеді. Алайда, оған дейін ер адам көлік кептелісін таратып үлгерді. Өз кезегінде көлік жүргізушілері де ер адамның командасын бұлжытпай орындап, жол көлік оқиғасына жол берген жоқ.
Мужик, красава✊🏻✊🏻✊🏻 @kokshevideogram