+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Көкшетауда дүркіретіп той өткізгендер анықталып, әкімшілік жазаға тартылды

2021 жылғы 18 қазан 12:40
Бөлісіңіз:
Көкшетауда дүркіретіп той өткізгендер анықталып, әкімшілік жазаға тартылды

КӨКШЕТАУ. ҚазАқпарат – Көкшетауда мониторингтік топ демалыс күндері карантин талаптарын бұза отырып, салтанатты іс-шаралар өткізілгенін анықтады, деп хабарлайды ҚазАқпарат тілшісі.

Ұқсас жаңалықтар
Алматыда 17 мыңға жуық адам Pfizer вакцинасын алды Алматы облысында бір тәулікте 33 науқас коронавируспен ауруханаға түсті Соңғы тәулікте коронавирус пен пневмониядан 17 адам көз жұмды

Ақмола облыстық санитарлық-эпидемиологиялық бақылау департаменті баспасөз қызметінің мәліметінше, өңір коронавирустың таралу қарқыны бойынша «қызыл» аймақта орналасқанына қарамастан, тұрғындар тарапынан карантин режимін бұзу жағдайлары жиіледі.

«Өткен демалыс күндері Көкшетау қаласында мониторингтік топ карантин талаптарын бұза отырып, төрт салтанатты іс-шараның өткізілгенін анықтады. Оның ішінде көпшіліктің қатысуымен өткен бір үйлену тойы, екі қыз ұзату және бір туған күні мерекесі бар. Мәселен, «Көкшетау» қонақ үйінде өткен үйлену тойына 120 адам қатысты. Ал «Бала махаббат» мейрамханасында 120 қонақтың қатысуымен отбасылық мереке өткізілсе, «Хан Сарайы» мейрамханасында 90 адам және «Меруерт» мейрамханасында 120 адамның қатысуымен «қыз ұзату» тойы ұйымдастырылды», - деді ведомстводан.

Департаменттің баспасөз қызметінен атап өткендей, карантин талаптарын бұзу бойынша материалдар Ақмола облысының санитарлық-эпидемиологиялық бақылау департаментіне жолданды. Биылғы жылы мониторингтік топтар карантин талаптарын сақтау бойынша 29 189 нысанды тексеріп, онда карантин талаптарының 628 рет бұзылғанын анықтады.

«Жалпы, ұйғарылған санитарлық-карантиндік ережелерді сақтамағаны үшін шағын және орта бизнес субъектілеріне, сондай – ақ жеке тұлғаларға қатысты әкімшілік ықпал ету шаралары (650 айыппұл) қолданылып, 16 материал әкімшілік соттарға қарау үшін жолданды», - деп толықтырды ведомстводан.

Еске сала кетсек, Ақмола облысының бас мемлекеттік дәрігерінің қаулысына сәйкес салтанатты, естелік, отбасылық іс-шаралар, банкеттер, үйлену тойлары, мерейтойлар өткізуге рұқсат етілген болатын. Рұқсат етілген, бірақ белгіленген санитарлық ережелерді қатаң сақтай отырып, келушілер Ashyq-те «жасыл» мәртебеге ие болуы керек және бөлменің толтырылуы 50 пайыздан немесе 50 орыннан аспауы тиіс.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT