Көкшетауда диірмен кешенінің бункерінде 20 жастағы жұмысшының мүрдесі табылды

КӨКШЕТАУ. ҚазАқпарат - Көкшетауда диірмен кешенінің бункерінде 20 жастағы жұмысшының мәйіті табылды.

Бұл туралы облыстық ІІД баспасөз қызметінен хабарлады.

«29 қыркүйек күні Көкшетаудағы «Мельница» ЖШС-нің диірмен кешенінің бункерінде бет-бейнесі азиялыққа ұқсас ер адамның мүрдесі табылды. Тексеріс барысында оның 1995 жылы туылған Көкшетау қаласының тұрғыны, аталған диірмен кешенінде 2015 жылдың сәуір айынан бастап жұмыс істегені анықталды. Қазіргі кезде, мерт болған адамның денесі мәйітханға жіберіліп, соттық-медициналық сараптама жұмыстары тағайындалды», делінген хабарламада.