USD 436.29 EUR 492.83
RUB 5.92 CNY 68.48
Jańalyqtar

Көкшетауда ажарлы да базарлы жәрмеңке өтуде

2014 жылғы 20 наурыз 10:27
Бөлісіңіз:
Көкшетауда ажарлы да базарлы жәрмеңке өтуде

КӨКШЕТАУ. ҚазАқпарат - Көкшетау қаласындағы «Алтын ғасыр» сауда үйінің алдында Астрахан, Егіндікөл, Еңбекшілдер аудандары мен облыс орталығы ауыл шаруашылығы тауар өндірушілерінің Наурыз мейрамына арналған азық-түлік жәрмеңкесі өтуде.

Жылда бір айналып келетін мұндай мерекелердің сәні мен мәні халықтың тоқшылығында да жатыр. Биылғы жылқы жылы азық-түлік бағасы тым көтерілмеуін тілейтін көпшіліктің осындай жәрмеңкелерден арзан бағамен өздеріне қажетті азық-түлік өнімдерін сатып алып, бір жасап қалатыны анық.

Осы тұрғыдан Көкшетаудағы азық-түлік бағасы қазір Астана, Алматы сияқты ірі қалалардың базар бағаларымен тайталасып тұр десек, жалған айтпағандаймыз. Соңғы кезде облыста азық-түлік бағасын тұрақтандыру мақсатында бүгінгідей жәрмеңкелер қолдан келгенше жиі ұйымдастырылуда.

Бұл жолы жәрмеңкеге 11,4 тонна ет және ет өнімдері, 2,5 тонна сүт және сүт өнімдері, 7 тонна ұн, 1 тонна картоп 0,8 тонна көкөніс, 1 тонна тауық етінің өнімдері, 1,1 мың литр күнбағыс майы әкелінді. Жәрмеңкеде жалпы құны 15,1 млн теңгеге 34,6 тонна азық-түлік өнімі тұрғындарға едәуір арзан бағамен сатылуда.

«Делдалсыз жеткізілген азық-түлік бағасы базардағы саудагерлер бағасынан 20-30 пайызға төмен болғандықтан, бұл бізге кәдімгідей қолайлы болды», дейді тұрғындар.

Ажарлы да базарлы жәрмеңкеге жұрт легі таңертеңнен бір толастамауының сыры осыдан-ақ байқала түскендей. Жәрмеңке барысымен танысқан облыс әкімінің бірінші орынбасары Рәшит Әкімов әлеуметтік мәні зор азық-түлік өнімдері әдеттегіден төмен бағасының болуымен бірге, тауар сапасына да баса назар аударды.

Жәрмеңке барысында аудандар мен Көкшетау қаласы өнерпаздарының концерттік бағдарламасы да ұсынылды.

Біздің каналымызға жазылыңыз:

Бөлісіңіз:

Автор:

Аслан Оспанов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT