Көкшетауда алғашқы қар қаланы ақ ұлпаға көмкеріп тастады

КӨКШЕТАУ. ҚазАқпарат - Көкшетау қаласына алғашқы қар түсті, деп хабарлайды ҚазАқпарат тілшісі.

Түнде басталған қар толассыз жауып, қаланы ақ ұлпаға көмкеріп тастады. Осының салдарынан тұрғындардың жүріп-тұруы мен көлік қатынасы біршама қиындады. Қаланың орталық көшелерінде көлік кептелістері орын алуда.

Синоптиктер өңірде алдағы күндері күн суытатын болжауда.

Қазіргі кезде Көкшетауда ауа температурасы минус 2 градусты көрсетіп тұр.