+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Көкшетауда 67 мың шаршы метрден астам тұрғын үй құрылыстары жүргізілуде

2021 жылғы 11 маусым 09:42
Бөлісіңіз:
Көкшетауда 67 мың шаршы метрден астам тұрғын үй құрылыстары жүргізілуде

КӨКШЕТАУ. ҚазАқпарат - Көкшетау қаласында «Нұрлы жер» бағдарламасы аясында жалпы ауданы 67 мың шаршы метрден асатын және жалпы құны 8,9 млрд теңге болатын 21 тұрғын үйдің құрылысы жүргізілуде. Бұл туралы брифингіде Көкшетау қаласының әкімі Бауыржан Ғайса мәлім етті, деп хабарлайды ҚазАқпарат тілшісі.

Ұқсас жаңалықтар
Өскеменде 9 мыңнан астам жаңа көше шамы орнатылды ШҚО-да миллион шаршы метр тұрғын үй салынды ҚР Президентінің Ақмола облысындағы жұмыс сапары жөніндегі видео жарияланды

Қала әкімінің айтуынша, тұрғын үй беру - ең көп талқыланатын және көпшілікті толғандыратын түйткілдердің бірі. Мәселен, «Нұрлы жер» бағдарламасы аясында Көкшетау қаласының құрылыс бөлімімен жалпы ауданы 67 мың шаршы метрден асатын және жалпы құны 8,9 млрд теңге болатын 21 тұрғын үй нысанының құрылысы жүргізілуде.

Жыл соңына дейін Көкшетау қаласында жалпы ауданы 30 мың шаршы метрден асатын 16 тұрғын үй нысанын пайдалануға беру жоспарланып отыр.

«Алайда, елімізде құрылыс материалдары бағасының өсуіне алаңдаушылық бар. Бұл өз кезегінде құрылыс саласына және нысандарды тапсыру мерзімдеріне кері әсер етті. Тағы бір мәселе көппәтерлі тұрғын үйлерді күтіп ұстау болып табылады», - деп атап өтті қала басшысы.

Ал 1996 жылы ПИК құрылғаннан бері 25 жыл ішінде көптеген кемшіліктер орын алды. Бұл жалпы жүйенің беделін түсірді, сондай-ақ азаматтардың қызмет көрсету сапасына деген наразылығын тудырды. Көп пәтерлі үйлердің тұрғындары қазір басқару нысанын таңдауға және өзгертуге, сондай-ақ меншік иелерінің бірлестігін немесе жай серіктестікті құруға құқылы. Әрбір көппәтерлі тұрғын үйдің өзінің басқару органы-үй кеңесі, пәтер иелерінің, тұрғын емес үй-жайлардың арасынан үйдің мүдделерін білдіретін және қорғайтын бақылау органы болады. Ал барлық ПИК-тер 2022 жылдың шілдесіне дейін үйге ортақ мүлікті беріп, сервистік немесе басқарушы компания түрінде дамудың өзіндік жолын таңдауы қажет.

«Халық үніне құлақ асатын мемлекет» тұжырымдамасын іске асыру мақсатында азаматтарымыздың қажеттіліктерін сапалы орындау, мемлекеттік органдардың жедел және тиімді әрекет етуі үшін әкімдіктің халықпен кері байланысының пәрменді тәсілдерінің бірі әлеуметтік желілер болып табылады, онда әрбір азамат өзін қызықтыратын сұрақ қоя алады. Әкімдік қызметкерлері күн сайын тұрғын үй-коммуналдық шаруашылығының проблемалық мәселелерін анықтау үшін әлеуметтік желілерге мониторинг жүргізеді. Мониторинг барысында анықталған мәселелер жедел әрекет ету шараларын қабылдау үшін тиісті мемлекеттік органдарға жіберіледі», - деп түйіндеді Бауыржан Ғайса.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT