10:00, 13 Тамыз 2014 | GMT +6
Көкшетауда 16 жастағы бозбала Қопа көліне батып кетті
КӨКШЕТАУ. ҚазАқпарат - Көкшетауда 16 жастағы бозбала Қопа көліне шомылу барысында суға батып кетті. Бұл туралы аймақтық ТЖД баспасөз қызметінен хабарлады.
Қайғылы жағдай Көкшетау қаласында 12 тамыз күні кешкі сағат 19:15 шамасында тіркелді. Облыс орталығындағы №13 орта мектептің оқушысы 16 жасар Н.Орлов суға шомылу кезінде абайсызда резеңке матрастан құлап, суға батып кетті.
Құтқару жұмыстарына аймақтық ТЖД судан құтқару жасағының 6 қызметкері және 1 арнайы техникасы тартылып, жасөспірімнің денесін судан алып шықты.